ବହୁ ପ୍ରତୀକ୍ଷାର ହେଲା ଅନ୍ତ, କୋଭିଡ କଟକଣା ଭିତରେ ଆରମ୍ଭ ହେଲା କାଳିଆ ଦର୍ଶନ

ପୁରୀ, ବହୁ ପ୍ରତୀକ୍ଷା ପରେ ଆଜିଠାରୁ ଆରମ୍ଭ ହୋଇଛି କାଳିଆ ଦର୍ଶନ। ଭକ୍ତଙ୍କ ପାଇଁ ଖୋଲିଛି ସିଂହଦ୍ବାର। ଆଜି ସକାଳ ୭ ଟା ବେଳେ ଭକ୍ତମାନଙ୍କୁ ମନ୍ଦିର ପ୍ରବେଶ ଅନୁମତି ପ୍ରଦାନ କରାଯାଇଥିଲା। ଫଳରେ ପୁରୀବାସୀ ପ୍ରଥମେ କାଳିଆ ଦର୍ଶନ କରିବାର ସୌଭାଗ୍ୟ ଅର୍ଜନ କରିଛନ୍ତି।

ତେବେ କୋଭିଡ କଟକଣା ଭିତରେ ଏହି ଦର୍ଶନ ଚାଲିଛି। ସେଥିପାଇଁ ମନ୍ଦିର ବାହାରେ ସ୍ବତନ୍ତ୍ର ସେଡ୍ ନିର୍ମାଣ କରାଯାଇଛି। ବିଭିନ୍ନ ବାରିକେଡ କରି ଭକ୍ତମାନେ ଧାଡିରେ ଯିବାର ବନ୍ଦୋବସ୍ତ କରାଯାଇଛି। ଭକ୍ତମାନେ ମାସ୍କ ପିନ୍ଧିବା ଏବଂ ଶାରୀରିକ ଦ୍ବରତା ବଜାଇ ରଖିବା ବାଧ୍ୟତାମୂଳକ କରାଯାଇଛି। ମନ୍ଦିର ବାହାରେ ସାନିଟାଜେସନ ମେସିନ ରଖାଯାଇଛି।  ଭକ୍ତମାନେ ମନ୍ଦିର ପ୍ରବେଶ ପୂର୍ବରୁ ଏହି ମେସିନରେ ସାନିଟାଇଜ କରିଯିବା ପାଇଁ ବ୍ୟବସ୍ଥା କରାଯାଇଛି।

ଭକ୍ତମାନଙ୍କୁ ଶୃଙ୍ଖଳିତ ଭାବେ ଦର୍ଶନ କରାଇବା ପାଇଁ ପ୍ରଶାସନ ତରଫରୁ ସ୍ବତନ୍ତ୍ର କର୍ମଚାରୀଙ୍କୁ ନିଯୁକ୍ତି ପ୍ରଦାନ କରିଛନ୍ତି। ସେମାନେ ଭକ୍ତମାନେ ମନ୍ଦିର ପ୍ରବେଶ ପୂର୍ବରୁ ଶରୀର ତାପମାତ୍ର ସହିତ ମାସ୍କ ଏବଂ ସାନିଟାଇଜେସନ ଉପରେ ଧ୍ୟାନ ରଖୁଛନ୍ତି। ସେହିପରି ପୋଲିସ ପ୍ରଶାସନ ତରଫରୁ ପୁରୀବାସୀଙ୍କ ପରିଚୟ ପତ୍ର ଯାଞ୍ଚ କରିବା ସହିତ ନିୟମ ଭିତରେ ଦର୍ଶନ କରାଇବା କାର୍ଯ୍ୟ କରୁଛନ୍ତି।

ପୁରୀବାସୀ ୧୬ ତାରିଖରୁ ୨୦ ତାରିଖ ଯାଏ ୫ ଦିନ ପାଇଁ ଦର୍ଶନ କରିବେ। ଏହାପରେ ଅଗଷ୍ଟ ୨୧ ଏବଂ ୨୨ ତାରିଖରେ ସପ୍ତାହନ୍ତ ସଟଡାଉନ ଥିବାରୁ ଏହି ଦିନ ଶ୍ରୀମନ୍ଦିରରେ ପ୍ରବେଶ ନିଷେଧ କରାଯାଇଛି। ପ୍ରତ୍ୟେକ ସପ୍ତାହନ୍ତ ସଟଡାଉନ ଏବଂ ପର୍ବପର୍ବାଣିରେ ଶ୍ରୀମନ୍ଦିରରେ ପ୍ରବେଶ ପାଇଁ ଅନୁମତି ନାହିଁ। ଏହାପରେ ୨୩ ତାରିଖଠାରୁ ସମସ୍ତଙ୍କୁ ଦର୍ଶନ ସୁବିଧା ପ୍ରଦାନ କରାଯିବ।

Read Moreଜାତୀୟ ଖବର, ବିଶେଷ ଖବର, Shree Mandira, କାଳିଆ ଦର୍ଶନ, ଖୋଲିଲା ଶ୍ରୀମନ୍ଦିର, ଜଗନ୍ନାଥ ମନ୍ଦିର ଖୋଲିଲାThe Samikhsya Odia

Leave a Reply

Your email address will not be published. Required fields are marked *