ଦୁଇ ହକି ଖେଳାଳିଙ୍କୁ ଅଢେଇକୋଟି ଲେଖାଁଏ ପୁରସ୍କାର

ଟୋକିଓ ଅଲିମ୍ପିକ ଫେରନ୍ତା ଚାରିଜଣ ଓଡିଆ ହକି ଖେଳାଳିଙ୍କୁ ରାଜ୍ୟ ସରକାର କଳିଙ୍ଗ ଷ୍ଟାଡିଅମ ପରିସରରେ ଆୟୋଜିତ ସ୍ବତନ୍ତ୍ର ଉତ୍ସବରେ ସମ୍ବର୍ଦ୍ଧିତ କରିଛନ୍ତି । ଅଲିମ୍ପିକରେ ବ୍ରୋଞ୍ଚ ପଦକ ପାଇଥିବା ଭାରତୀୟ ହକିଟିମର ଦୁଇ ଓଡିଆ ଖେଳାଳି ବିରେନ୍ଦ୍ର ଲାକ୍ରା ଓ ଅମିତ ରୋହିଦାସ, ପ୍ରତ୍ୟକଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅଢେଇ କୋଟି ଟଙ୍କା ଲେଖାଁଏ ଆର୍ଥିକ ପୁରସ୍କାର ପ୍ରଦାନ କରିଛନ୍ତି । ଏଥିସହିତ ଏହି ଦୁଇ ଖେଳାଳିଙ୍କୁ ଓଡିଶା ପୋଲିସରେ ଡିଏସପି ପଦବୀରେ ନିଯୁକ୍ତି ପାଇଁ ଅଫର ଲେଟର ଦେଇଛନ୍ତି । ସେହିପରି ସେମିଫାଇନାଲରେ ପହଞ୍ଚିଥିବା ମହିଳା ହକିଟିମର ଦୁଇ ଓଡିଆ ଖେଳାଳି ଦୀପଗ୍ରେସ ଏକ୍କା ଓ ନମିତା ଟପ୍ପୋଙ୍କୁ ପଚାଶ ଲକ୍ଷ ଲେଖାଁଏ ପୁରସ୍କାର ରାଶି ପ୍ରଦାନ କରିଛନ୍ତି । ଟୋକିଓ ଅଲିମ୍ପିକରେ ଉଭୟ ପୁରୁଷ ଓ ମହିଳା ହକି ଟିମର କୃତିତ୍ବକୁ ମୁଖ୍ୟମନ୍ତ୍ରୀ ପ୍ରଶଂସା କରିବା ସହ କଠିନ ପରିଶ୍ରମ ସହ ଦେଶ ପାଇଁ ଗୌରବ ଆଣିବା ପାଇଁ ପରାମର୍ଶ ଦେଇଛନ୍ତି । କଳିଙ୍ଗ ଷ୍ଟଡିଅମ ବିଶ୍ବସ୍ତରରେ ହକି ହବ୍ ରେ ପରିଣତ ହୋଇସାରିଛି ଏବଂ ପୁରୁଷ ହକି ବିଶ୍ବକପ୍ ଆଗାମୀ ଦିନରେ ଏଠାରେ ଅନୁଷ୍ଠିତ ହେବାକୁ ଯାଉଥିବାରୁ ଘରୋଇ ମାଟିରେ ନିଜର ଦକ୍ଷତା ପ୍ରଦର୍ଶନ କରିବାକୁ ସୁଯୋଗ ପାଇପାରିବେ ବୋଲି ନବୀନ କହିଛନ୍ତି ।

ସମ୍ବର୍ଦ୍ଧନା ଉତ୍ସବ ଅବସରରେ ପୁରୁଷ ହକି ଟିମ ଭାଇସ କ୍ୟାପଟେନ ବିରୋନ୍ଦ୍ର ଲାକ୍ରା ମୁଖ୍ୟମନ୍ତ୍ରୀଙ୍କୁ ହକିଟିମର ସବୁ ସଦସ୍ୟଙ୍କ ଦସ୍ତଖତ ଥିବା ଟିମ ଜର୍ସି ପ୍ରଦାନ କରିଥିଲେ । ସେହିପରି ମହିଳା ହକିଟିମ୍ ଭାଇସ କ୍ୟାପଟେନ ଦୀପଗ୍ରେସ ଏକ୍କା ମଧ୍ୟ ମୁଖ୍ୟମନ୍ତ୍ରୀଙ୍କୁ ଟିମ୍ ଜର୍ସି ପ୍ରଦାନ କରିଥିଲେ ।

ଏହି ସମାରୋହରେ କ୍ରୀଡା ଓ ଯୁବସେବା ମନ୍ତ୍ରୀ ତୁଷାରକାନ୍ତି ବେହେରା, ଓଡିଶା ହକି ପ୍ରମୋସନ କାଉନସିଲ ଅଧ୍ୟକ୍ଷ ଦିଲିପ ତୀର୍କି, 5-ଟି ସେକ୍ରେଟାରୀ ଭି.କେ. ପାଣ୍ଡିୟାନ ଏବଂ କ୍ରୀଡା ବିଭାଗ ସଚିବ ଆର. ଭିନିଲକ୍ରୀଷ୍ଣା ଯୋଗ ଦେଇଥିଲେ ।

The post ଦୁଇ ହକି ଖେଳାଳିଙ୍କୁ ଅଢେଇକୋଟି ଲେଖାଁଏ ପୁରସ୍କାର appeared first on TakshakTV.

Read MoreBig Story, Sports, Trending News, amit rohidas, birendra lakra, cash award to hockey players, deepgrace ekka, namita toppo, odisha felicitate hockey playersTakshakTV

Leave a Reply

Your email address will not be published. Required fields are marked *