ମହିଳା ହକି ଦଳର ଐତିହାସିକ ବିଜୟ: ଅଷ୍ଟ୍ରେଲିଆକୁ ପରାସ୍ତ କରି ଅଲମ୍ପିକ୍ସ ସେମିଫାଇନାଲରେ କଲା ପ୍ରବେଶ

ନୂଆଦିଲ୍ଲୀ: ଭାରତୀୟ ମହିଳା ହକି ଦଳ ଟୋକିଓ ଅଲମ୍ପିକ୍ସରେ ଇତିହାସ ସୃଷ୍ଟି କରିଛି। ମହିଳା ହକି ଦଳ ପ୍ରଥମ ଥର ପାଇଁ ଅଲିମ୍ପିକ୍ସର ସେମିଫାଇନାଲରେ ପ୍ରବେଶ କରିଛି। ଅଷ୍ଟ୍ରେଲିଆକୁ ୧-୦ ରେ ପରାସ୍ତ କରି ଭାରତୀୟ ମହିଳା ଦଳ ସେମିଫାଇନାଲରେ ସ୍ଥାନ ପକ୍କା କରିଛି। ଗୁରୁଜିତ କୌରଙ୍କ ଚମତ୍କାର ଗୋଲ ଯୋଗୁଁ ଭାରତ ଏହି ମ୍ୟାଚରେ ବିଜୟ ହାସଲ କରିଛି। ଏକ ମହାନ ଖେଳ ପ୍ରଦର୍ଶନ କରୁଥିବା ଭାରତୀୟ ମହିଳା ହକି ଦଳ ଅଷ୍ଟ୍ରେଲିଆକୁ ୧-୦ରେ ପରାସ୍ତ କରିଛି। ସମସ୍ତ କଳ୍ପନାଜଳ୍ପନାର ଅନ୍ତ ଘଟାଇ ବିଶ୍ୱର ୯ ନମ୍ବର ଭାରତୀୟ ଦଳ ବିଶ୍ୱର ୨ ନମ୍ବର ଅଷ୍ଟ୍ରେଲିଆକୁ ପରାସ୍ତ କରି ପ୍ରଥମ ଥର ପାଇଁ ଅଲିମ୍ପିକ୍ସର ସେମିଫାଇନାଲରେ ପ୍ରବେଶ କଲା। ଭାରତ ତୃତୀୟ ଅଲିମ୍ପିକ୍ସରେ ଖେଳୁଛି। ମସ୍କୋ (୧୯୮୦) ଅଲମ୍ପିକ୍ସର ୩୬ ବର୍ଷ ପରେ ରିଓ ଅଲିମ୍ପିକ୍ସ (୨୦୧୬) ପାଇଁ ଦଳ ଯୋଗ୍ୟତା ଅର୍ଜନ କରିଥିଲେ।

Read Moreଅନ୍ତରାଷ୍ଟ୍ରୀୟ, ଆଜିର ଖବର, ଖେଳ, ଜାତୀୟ ଖବର, ଅଷ୍ଟ୍ରେଲିଆ, ଟୋକିଓ ଅଲମ୍ପିକ୍ସ, ଭାରତୀୟ ମହିଳା ହକି ଦଳ, ମହିଳା ହକି ଦଳ, ସେମିଫାଇନାଲThe Samikhsya Odia

Leave a Reply

Your email address will not be published. Required fields are marked *