ହାତରେଖାରୁ ଜାଣନ୍ତୁ ଆପଣଙ୍କ ଆର୍ଥିକ ସ୍ଥିତି କିପରି ରହିବ

ଭୁବନେଶ୍ବର: ହିନ୍ଦୁ ଧର୍ମରେ ସାମୁଦ୍ରିକ ଶାସ୍ତ୍ରର ବିଷେଶ ମହତ୍ବ ରହିଛି। ସାମୁଦ୍ରିକ ଶାସ୍ତ୍ରରେ ମଣିଷ ଶରୀରର କିଛି ଅଙ୍ଗ ଓ ଚିହ୍ନ ଆଧାରରେ ଭବିଷ୍ୟତ ସମ୍ପର୍କରେ ଅନେକ ଜିନିଷ ଜାଣିହୁଏ। ଏହା ଦ୍ବାରା ମଣିଷର ଆର୍ଥିକ ଓ ସାମାଜିକ ସ୍ଥିତର ମଧ୍ୟ ଅନୁମାନ କରାଯାଇପାରିବ।

ସାମୁଦ୍ରିକ ଶାସ୍ତ୍ରର ରଚନା ଋଷି ସମୁଦ୍ର କରିଥିଲେ। ତାଙ୍କ ନାମାନୁସାରେ ଏହି ଶାସ୍ତ୍ରର ନାମ ସାମୁଦ୍ରିକ ଶାସ୍ତ୍ର ରଖାଯାଇଛି। ଏହି ଶାସ୍ତ୍ରରେ ଶରୀରର ଅଙ୍ଗରେ ଆକୃତି ତଥା ଅଙ୍ଗରେ ବର୍ଣ୍ଣିତ ଚିହ୍ନ ଦ୍ବାରା ବ୍ୟକ୍ତିର ସ୍ବଭାବ, ବ୍ୟବହାର ଓ ଭବିଷ୍ୟ ସମ୍ପର୍କରେ ସୂଚନା ମିଳିଥାଏ। କୁହାଯାଏ ଶରୀରର ଅଙ୍ଗ ବ୍ୟକ୍ତିର ବ୍ୟକ୍ତିତ୍ବ ସମ୍ପର୍କରେ ସୂଚନା ଦେଇଥାଏ। ସେହିପରି ହାତ ପାପୁଲିରେ ଥିବା ଚିହ୍ନ ତଥା ରେଖା ଦ୍ବାରା ଆର୍ଥିକ ସ୍ଥିତି ସମ୍ପର୍କରେ ମଧ୍ୟ ସୂଚନା ମିଳିଥାଏ।

ସମୁଦ୍ର ଶାସ୍ତ୍ର ଅନୁସାରେ ଯଦି କୌଣସି ବ୍ୟକ୍ତିଙ୍କର ପାପୁଲିର ତ୍ରିଭୁଜ ପରି ଚିହ୍ନ ରହିଛି ତେବେ ସେହି ବ୍ୟକ୍ତି ଜୀବନ ସାରା ଆର୍ଥିକ  ସମସ୍ୟାର ସମ୍ମୁଖନୀ ହେବ। ସେହିପରି ଯେଉଁ ବ୍ୟକ୍ତିଙ୍କର ହାତରେ ଆୟତ୍ତକାରର ଚିହ୍ନ ରହିଥାଏ, ସେମାନଙ୍କ ଆର୍ଥିକ ସ୍ଥିତି ସ୍ବଚ୍ଛଳ ରହିଥାଏ। ଏହି ଲୋକମାନେ ଜୀବନରେ ବହୁତ ପରିଶ୍ରମ କରି ଫଳ ପାଇଥାନ୍ତି।

ସେହିପରି ଯେଉଁ ବ୍ୟକ୍ତିର ପାପୁଲରି ସୂର୍ଯ୍ୟ ପର୍ବତ ଉପରେ ବହୁତ ସାରା ରେଖା ଥାଏ, ସେମାନେ ବହୁ ପରିଶ୍ରମ କରିବା ସତ୍ତ୍ବେ ମଧ୍ୟ ଧନ ସମ୍ପତ୍ତି ପ୍ରାପ୍ତ କରି ପାରିନଥାନ୍ତି। ଏହି ବ୍ୟକ୍ତିମାନେ ସୂର୍ଯ୍ୟଦେବଙ୍କ ପୂଜା କରିବା ଆବଶ୍ୟକ। ତାଙ୍କ କୃପା ଫଳରେ ଧନ ସମ୍ପତ୍ତି ପ୍ରାପ୍ତ କରିପାରିବେ।

ସେହିପରି ଯେଉଁ ବ୍ୟକ୍ତିଙ୍କ ପାପୁଲିରେ ସିଧା, ଲମ୍ବା ଓ ଗଭୀର ରେଖା ପାପୁଲି ଆରମ୍ଭରୁ ଆଗକୁ ଯାଇଥାଏ। ସେମାନେ ଜୀବନରେ ଧନ ସମ୍ପତ୍ତି ପ୍ରାପ୍ତ କରିଥା’ନ୍ତି। ସେହିପରି ଯେଉଁ ବ୍ୟକ୍ତିର ପାପୁଲିର ପଛ ପାଖରେ ବହୁତ ସାରା ରେଖା ଥାଏ, ସେମାନେ କଠିନ ପରିଶ୍ରମ କରି ଧନ କମାଇଥା’ନ୍ତି।

Read Moreଆଜିର ଖବର, ଜାତୀୟ ଖବର, ଜୀବନ ଶୈଳୀ, ସଂସ୍କୃତି, ମଣିଷ ଶରୀର, ସାମୁଦ୍ରିକ ଶାସ୍ତ୍ର, ହାତରେଖା, ହିନ୍ଦୁ ଧର୍ମThe Samikhsya Odia

Leave a Reply

Your email address will not be published. Required fields are marked *