ଟୋକିଓ ଅଲିମ୍ପିକ୍‌ ରେ ପୂର୍ବତନ ବିଶ୍ବ ଚାମ୍ପିଆନଙ୍କୁ ହରାଇ କ୍ବାର୍ଟର୍‌ଫାଇନାଲ୍‌ରେ ପହଞ୍ଚିଲେ କୁସ୍ତି ଖେଳାଳି ଲଭ୍‌ଲିନା, ପଦକ ସୁନିଶ୍ଚିତ

(ସତ୍ୟପାଠ ବ୍ୟୁରୋ) ଭୁବନେଶ୍ବର : ଟୋକିଓ ଅଲିମ୍ପିକ୍ସରେ ଇତିହାସ ରଚିଲେ ଭାରତୀୟ ମହିଳା ବକ୍ସର ଲଭ୍‌ଲୀନା ବୋରଗୋହେନ୍‌। ଶୁକ୍ରବାର ଦିନ ସେ ‘କୋକୁକିଗାଙ୍ଗ୍‌ ଆରେନା’ରେ ଆୟୋଜିତ ‘ୱିମିନ୍ସ୍‌ ୱେଲ୍‌ଟର୍‌ୱେଟ୍‌ ବକ୍ସିଙ୍ଗ୍‌’ (କୁସ୍ତି) ପ୍ରତିଯୋଗିତାରେ ପୂର୍ବତନ ବିଶ୍ବ ଚାମ୍ପିଆନ୍ ଚାଇନିଜ୍‌ ତାଇପେଇର ସେନ୍ ନିଏନ୍-ସିନ୍‌ଙ୍କୁ ପରାସ୍ତ କରି ସେ ଭାରତ ପାଇଁ ପଦକ ପକ୍କା କରିଛନ୍ତି । 

୨୩ ବର୍ଷିୟ ଲଭ୍‌ଲିନା ‘ଅଲିମ୍ପିକ୍ସ’ର ୮ମ ଦିନରେ ମହିଳା ମୁଷ୍ଟିଯୁଦ୍ଧା ୬୯ କିଲୋ କ୍ବାର୍ଟର ଫାଇନାଲରେ ଚାଇନାର ନିଏନ ଚିନ ଚେନଙ୍କୁ ପରାସ୍ତ କରି ସେମିଫାଇନାଲରେ ଏଣ୍ଟ୍ରି କରିଛନ୍ତି। ଲଭ୍‌ଲୀନା କ୍ବାର୍ଟର୍‌-ଫାଇନାଲ୍‌ ରେ ତାଇୱାନ୍‌ର ବରିଷ୍ଠ ପ୍ରତିଦ୍ବନ୍ଦ୍ବୀ ସେନ୍‌ଙ୍କୁ ୪-୧ରେ ପରାସ୍ତ କରିଥିଲେ। 

ତାଇୱାନ୍‌ର ଅଭିଜ୍ଞ କୁସ୍ତି ଖେଳାଳି ସେନ୍‌ଙ୍କ ସହ ପ୍ରାରମ୍ଭରୁ କଡା ମୁକାବିଲା କରିଥିବା ଲଭ୍‌ଲୀନା ଓପେନିଙ୍ଗ୍ ରାଉଣ୍ଡରେ ୩-୨ରେ ବିଜୟିନୀ ହୋଇଥିଲେ। ଲଭ୍‌ଲୀନା ୨ୟ ରାଉଣ୍ଡକୁ ୫-୦ରେ ଜିତି ପଦକ ଆଡକୁ ଆଉ ପାଦେ ଅଗ୍ରସର ହୋଇଛନ୍ତି। ୪-୧ ଫଳାଫଳ ଅର୍ଥ ହେଉଛି ଚୂଡ଼ାନ୍ତ ପର୍ଯ୍ୟାୟରେ ଭାରତୀୟ କୁସ୍ତି ଖେଳାଳି ଲଭ୍‌ଲୀନାଙ୍କର ବିଜୟ ପ୍ରାୟ ସୁନିଶ୍ଚିତ।

ସୂଚନା ଥାଉକି , ଭାରତ୍ତୋଳନରେ ମଣିପୁରୀର ମୀରାବାଈ ଚାନୁ ରୌପ୍ୟ ପଦକ ହାସଲ କରି ‘ଟୋକିଓ ଅଲିମ୍ପିକ୍ସ ୨୦୨୦’ରେ ଭାରତ ପାଇଁ ପ୍ରଥମ ପଦକ ହାସଲ କରି ଇତିହାସ ରଚିଥିଲେ। ସେମି-ଫାଇନାଲ୍‌ରେ ସ୍ଥାନ ପାଇଥିବା କାରଣରୁ ଲଭ୍‌ଲୀନା ବୋରଗୋହେନ୍‌ ଅନ୍ୟୂନ କାଂସ୍ୟ ପଦକଟିଏ ହାସଲ କରିବେ ବୋଲି ପ୍ରାୟ ସୁନିଶ୍ଚିତ ହୋଇଯାଇଛି।

ମେରି କୋମ୍ ଓ ବିଜେନ୍ଦର୍‌ ସିଂହଙ୍କ ପରେ ଅଲିମ୍ପିକ୍ସ୍‌ରେ ଭାରତ ପାଇଁ ପଦକ ଜିଣିବାରେ ଲଭ୍‌ଲୀନା ହେଉଛନ୍ତି ତୃତୀୟ କୁସ୍ତି ଖେଳାଳି।

The post ଟୋକିଓ ଅଲିମ୍ପିକ୍‌ ରେ ପୂର୍ବତନ ବିଶ୍ବ ଚାମ୍ପିଆନଙ୍କୁ ହରାଇ କ୍ବାର୍ଟର୍‌ଫାଇନାଲ୍‌ରେ ପହଞ୍ଚିଲେ କୁସ୍ତି ଖେଳାଳି ଲଭ୍‌ଲିନା, ପଦକ ସୁନିଶ୍ଚିତ appeared first on Satya Patha.

Read Moreଖେଳ, Lavlin, Tokyo OlympicsSatya Patha

Leave a Reply

Your email address will not be published. Required fields are marked *