ପ୍ରବଳ ହଟ୍ଟଗୋଳ ଯୋଗୁଁ ସୋମବାର ପର୍ଯ୍ୟନ୍ତ ଲୋକସଭାକୁ କରାଗଲା ମୁଲତବୀ: ତୃଣମୂଳ ସାଂସଦଙ୍କୁ ନିଲମ୍ବନ କଲେ ବାଚସ୍ପତି

ନୂଆଦିଲ୍ଲୀ: ବିରୋଧୀଙ୍କ ହଟ୍ଟଗୋଳ ଯୋଗୁଁ ଏପର୍ଯ୍ୟନ୍ତ ସଂସଦର ମୌସୁମୀ ଅଧିବେଶନ  ସୂଚାରୁ ରୂପେ ଚାଲିପାରିନାହିଁ। ଗୁରୁବାର ପରେ ଆଜି ମଧ୍ୟ ବିରୋଧୀ ସାଂସଦଙ୍କ ହଟ୍ଟଗୋଳ ଯୋଗୁଁ ସଂସଦର ଉଭୟ ଗୃହକୁ ମୁଲତବୀ କରିବାକୁ ପଡ଼ିଲା। ଲୋକସଭାକୁ ସୋମବାର ପର୍ଯ୍ୟନ୍ତ ମୁଲତବୀ ରଖାଯାଇଛି।

ଅନ୍ୟପକ୍ଷରେ ତୃଣମୂଳ କଂଗ୍ରେସ ସମେତ ବିଭିନ୍ନ ଦଳର ସଦସ୍ୟଙ୍କ ବିରୋଧ ଯୋଗୁଁ ରାଜ୍ୟସଭାକୁ ମଧ୍ୟାହ୍ନ ୧୨ ଟା ପର୍ଯ୍ୟନ୍ତ ସ୍ଥଗିତ ରଖାଯାଇଥିଲା। ତୃଣମୂଳ କଂଗ୍ରେସ ସାଂସଦ ଶାନ୍ତନୁ ସେନଙ୍କୁ ଗତକାଲିର ଖରାପ ଆଚରଣ ପାଇଁ ରାଜ୍ୟସଭାରୁ ବାଚସ୍ପତି ଏମ ଭେଙ୍କେୟା ନାଇଡୁ ନିଲମ୍ବିତ କରିଛନ୍ତି। ଚଳିତ ଅଧିବେଶନର ଅବଶିଷ୍ଟ ସମୟ ପାଇଁ ଶାନ୍ତନୁଙ୍କୁ ରାଜ୍ୟସଭାରୁ ନିଲମ୍ବନ କରାଯାଇଛି। ଫଳରେ ୧୨ ଟା ପରେ ଏହି କାରଣରୁ ବିରୋଧୀଙ୍କ ପ୍ରବଳ ହଟ୍ଟଗୋଳ ଦେଖିବାକୁ ମିଳିଥିଲା। ତେଣୁ ରାଜ୍ୟସଭାର କାର୍ଯ୍ୟକୁ ପୁନର୍ବାର ଅପରାହ୍ନ ୨.୩୦ ପର୍ଯ୍ୟନ୍ତ ମୁଲତବୀ ରଖାଯାଇଛି।

Read Moreଆଜିର ଖବର, ଜାତୀୟ ଖବର, ତୃଣମୂଳ ସାଂସଦ, ନିଲମ୍ବନ କଲେ ବାଚସ୍ପତି, ବିରୋଧୀଙ୍କ ହଟ୍ଟଗୋଳ, ମୌସୁମୀ ଅଧିବେଶନ, ରାଜ୍ୟସଭା, ଲୋକସଭା, ଶାନ୍ତନୁ ସେନThe Samikhsya Odia

Leave a Reply

Your email address will not be published. Required fields are marked *