ବାଲୁଗାଁ: ସୋଲରି ଢ଼ାବା ନିକଟରେ ଟ୍ରକ ଦୁର୍ଘଟଣାଗ୍ରସ୍ତ, ତିନି ଗୁରୁତର

ସୀତାରାମ ଅଗ୍ରୱାଲ

ବାଲୁଗାଁ: ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ୧୬ ନଂ ଜାତୀୟ ରାଜପଥ ଅନ୍ତର୍ଗତ ସୋଲରୀ ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଯାଇଛି। ଯେଉଁଥିରେ ୩ ଜଣ ଗୁରୁତର ଆହତ ହୋଇଛନ୍ତି।

ସୂଚନା ମୁତାବକ ଗତକାଲି ରାତିରେ କୋଲକତାରୁ ଏକ କପଡା ବୋଝେଇ କଣ୍ଟେନର ହାଇଦ୍ରାବାଦ ଯାଉଥିବା ବେଳେ ଯାନ୍ତ୍ରୀକ ତ୍ରୁଟି ଦେଖା ଦେବାରୁ ଗାଡିଟି ସୋଲରି ଢ଼ାବା ସମ୍ମୁଖରେ ଅଟକି ରହିଥିଲା। ପୁନର୍ବାର ଅନ୍ୟ ଏକ କପଡା ବୋଝେଇ କଣ୍ଟେନରଟି ହାଇଦ୍ରାବାଦ ଯାଉଥିବା ବେଳେ ପୂର୍ବ କଣ୍ଟେନର ଅଟକି ଥିବାର କାରଣ ଜାଣିବା ନିମନ୍ତେ ଉକ୍ତ ସ୍ଥାନରେ ଅଟକିଥିଲା। ଉଭୟ ଗାଡ଼ି ଚାଳକ କଥାବାର୍ତ୍ତା ହେବା ସହ ଦୁଇ କଣ୍ଟେନର ମଝିରେ ଥିବା ରାସ୍ତା ଉପରେ ରୋଷେଇ କରୁଥିଲେ। ରାତି ୧.୩୦ ମିନିଟ ସମୟରେ ଭୁବନେଶ୍ୱରରୁ ବ୍ରହ୍ମପୁର ଆଡକୁ ଯାଉଥିବା ଏକ ଚିଙ୍ଗୁଡି ବୋଝେଇ କଣ୍ଟେନରଟି ଅସାବଧାନତା ବଶତଃ ପୂର୍ବରୁ ଠିଆ ହୋଇଥିବା ଦୁଇ ନମ୍ବର କପଡା ବୋଝେଇ କଣ୍ଟେନରକୁ ପଛ ପଟୁ ଶକ୍ତ ଧକ୍କା ଦେଇଥିଲା। ଫଳରେ ଚିଙ୍ଗୁଡି ବୋଝେଇ ଗାଡିଟି କ୍ଷତି ଗ୍ରସ୍ତ ହୋଇଥିଲା ଏବଂ ଗାଡ଼ି ଚାଳକ ଇଂଜିନ ଭିତରେ ଚାପି ହୋଇଯାଇଥିଲେ।

ଅନୁରୂପ ଭାବେ ଅନ୍ୟ ଦୁଇ ଗାଡ଼ିଚାଳକ ରୋଷେଇ କରୁଥିବା ବେଳେ କପଡା ବୋଝେଇ କଣ୍ଟେନରଟି ଧକ୍କା ହେବା ଫଳରେ କିଛି ବାଟ ଆଗକୁ ଗଡିଯାଇ ଉଭୟଙ୍କ ଉପରେ ମାଡ଼ିଯାଇଥିଲା। ଖବର ପାଇ ସଙ୍ଗେ ସଙ୍ଗେ ଦୁର୍ଘଟଣା ସ୍ଥଳରେ ବାଲୁଗାଁ ଅଗ୍ନିଶମ ବାହିନୀ ଓ ପୋଲିସ ପହଞ୍ଚି ଆହତମାନଙ୍କୁ ଉଦ୍ଧାର କରିଥିଲେ। ଦିର୍ଘ ତିନି ଘଣ୍ଟା କାଳ ଅକ୍ଲାନ୍ତ ପରିଶ୍ରମ କରି ଗାଡ଼ି କ୍ୟାବିନ କାଟି ଚିଙ୍ଗୁଡ଼ି ବୋଝେଇ ଗାଡ଼ି ଚାଳକଙ୍କୁ ଉଦ୍ଧାର କରିଛି ଅଗ୍ନିଶମ ବାହିନୀ। ଅନ୍ୟ ଦୁଇ ଗାଡ଼ି ଚାଳକଙ୍କୁ ମଧ୍ୟ ଉଦ୍ଧାର କରି ସମୁଦାୟ ତିନି ଜଣଙ୍କୁ ବାଲୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ସ୍ଥାନାନ୍ତରିତ କରିଥିଲା ଅଗ୍ନିଶମ ବାହିନୀ। ଆହତ ମାନେ ହେଲେ ପବନ ଚୌଧୁରୀ, ଲଳିତ କୁମାର ଚୌଧୁରୀ ଓ ବଳରାମ ବେହେରା। ତେବେ ବାଲୁଗାଁ ପୋଲିସ ଗାଡ଼ି ଗୁଡିକୁ ଜବତ କରି ତଦନ୍ତ ଜାରି ରଖିଛି।

Read Moreଆଜିର ଖବର, ରାଜ୍ୟ ଖବର, ଟ୍ରକ ଦୁର୍ଘଟଣାଗ୍ରସ୍ତ, ତିନି ଗୁରୁତର, ବାଲୁଗାଁ, ସୋଲରି ଢ଼ାବାThe Samikhsya Odia

Leave a Reply

Your email address will not be published. Required fields are marked *