ବହୁ ଚର୍ଚ୍ଚିତ ଦୁଇ ଦାଦନଙ୍କ ହାତ କଟା ଘଟଣା, ଶେଷ ଅଭିଯୁକ୍ତ କୁ ୧୦ବର୍ଷ କାରାଦଣ୍ଡ ସହ ୧୦ ହଜାର ରେ ଦଣ୍ଡିତ କଲେ ଧର୍ମଗଡ ଏଡିଜେ

(ସତ୍ୟପାଠ ବ୍ୟୁରୋ) ଭୁବନେଶ୍ୱର :କଳାହାଣ୍ଡି ଜିଲ୍ଲାରେ ଗତ ୨୦୧୩ ମସିହାରେ ୨ ଦାଦନ ଶ୍ରମିକଙ୍କୁ ନିର୍ଯ୍ୟାତନା ଦିଆଯିବା ସହିତ ହାତ କଟାଯିବା ଘଟଣା ରେ ଶେଷ ଅଭିଯୁକ୍ତ ପର୍ଶୁରାମ ନାଏକଙ୍କୁ ୧୦ ବର୍ଷ ସଶ୍ରମ କାରାଦଣ୍ଡ ଏବଂ  ୧0 ହଜାର ଟଙ୍କା ଜରିମାନା ନିର୍ଦ୍ଦେଶ ଦେଇଛନ୍ତି ଧର୍ମଗଡ଼ ଅତିରିକ୍ତ ଜିଲ୍ଲା ଦୌରାଜଜ୍ ବନ୍ଦନା କର ।

 ବିଗତ ଘଟଣାରୁ ଜଣାଯାଏ ଯେ, ଗତ ୨୦୧୩ ମସିହାରେ କଳାହାଣ୍ଡି ଜିଲ୍ଲାର କିଛି ଦାଦନଙ୍କୁ ହାଇଦ୍ରାବାଦ ଚାଲାଣ ପାଇଁ ନିଆଯାଉଥିଲା । ଏହାକୁ ୨ ଦାଦନ ନିଳାମ୍ବର ଧଙ୍ଗଡାମାଝୀ ଓ ଦିଆଲୁ ନିଆଲ ବିରୋଧ କରିଥିଲେ । ସେଥି ମଧ୍ୟରୁ କିଛି ଦାଦନ ଖସି ପଳେଇ ଆସିବାରେ ସକ୍ଷମ ହୋଇଥିଲେ । ତେବେ ଦାଦନ ସର୍ଦାର ଓ ତାର କିଛି ସହଯୋଗୀ ଏମାନଙ୍କୁ ଗୋଟିଏ ଘରେ ରଖି ନିର୍ଯ୍ୟାତନା ଦିଆଯିବା ସହିତ ୨୦୧୩  ମସିହା ଡିସେମ୍ବର ୧୩ ତାରିଖରେ କଳାହାଣ୍ଡି-ବଲାଙ୍ଗୀର ସୀମାର ଏକ ସାଗୁଆନ ଜଙ୍ଗଲରେ ଏହି ଦୁଇ ଦାଦନଙ୍କ ହାତ କାଟି ଦେଇଥିଲେ।

ଏହି ଲୋମହର୍ଷଣକାରୀ ଘଟଣା ସମଗ୍ର ଦେଶରେ ଚହଳ ପକାଇଥିଲା । ଏହି ଘଟଣାରେ ଗତ ୨୪/୧୨/୨୦୧୬ ତାରିଖରେ  ମାନ୍ୟବର ଅତିରିକ୍ତ ଜିଲ୍ଲା ଦୌରା ଜର୍ଜ ଧର୍ମଗଡ ୮ ଜଣ ଅଭିଯୁକ୍ତ ବିମଳ ରାଉତ, ମଣ୍ଟୁ ନିଆଲ, ଜୟସେନ ଠେଲା, ଅର୍ଜୁନ ଭୋଇ, ବନ ମାଝୀ, ବୈକୁଣ୍ଠ ରାଉତ, ଗଙ୍ଗାଧର ଦାସ ଓ ପରମେ ତୁଣ୍ଡିଙ୍କୁ ଆଜୀବନ କାରାଦଣ୍ଡା ରେ ଦଣ୍ଡିତ କରିଥିଲେ। ତେବେ ଏହି ସମୟରେ ପର୍ଶୁରାମ ମାଝି ନାମକ ଅଭିଯୁକ୍ତ ଫେରାର ହୋଇ ଯାଇଥିଲା। ଓ କେତେ ଦିନ ପରେ ଜୟପାଟଣା ପୁଲିସ ପର୍ଶୁରାମ ମାଝୀ କୁ ଗିରଫ କରି କୋର୍ଟ ଚାଲାଣ କରିଥିଲେ।

  ଆଜି ସମସ୍ତ ସାକ୍ଷୀ ଓ ପ୍ରମାଣଙ୍କ ତ ଥ୍ୟ ଭିତ୍ତି କରି ଧର୍ମଗଡ଼ ଅତିରିକ୍ତ ଜିଲ୍ଲା ଦୌରାଜଜ୍ ବନ୍ଦନା କର  ଶେଷ ଅଭିଯୁକ୍ତ ପର୍ଶୁରାମ ମାଝୀ କୁ ୧୦ ବର୍ଷ ଜେଲଦଣ୍ଡା ଦେଶ ସହ ୧୦ ହଜାର ଟଙ୍କା ଜରିମାନା ରେ ଦଣ୍ଡିତ କରିଛନ୍ତି । ଏହି ମାମଲା କୁ ସରକାରୀ ଓକିଲ ଥବିର ପ୍ରସାଦ ସାହୁ ପରିଚାଳନା କରିଥିଲେ।

The post ବହୁ ଚର୍ଚ୍ଚିତ ଦୁଇ ଦାଦନଙ୍କ ହାତ କଟା ଘଟଣା, ଶେଷ ଅଭିଯୁକ୍ତ କୁ ୧୦ବର୍ଷ କାରାଦଣ୍ଡ ସହ ୧୦ ହଜାର ରେ ଦଣ୍ଡିତ କଲେ ଧର୍ମଗଡ ଏଡିଜେ appeared first on Satya Patha.

Read Moreରାଜ୍ୟ, kalahandiSatya Patha

Leave a Reply

Your email address will not be published. Required fields are marked *