ଉଦ୍ଧବ ଠାକରେ ସବୁଠୁ ଲୋକପ୍ରିୟ – କ୍ୟାପଟେନ ଅମରିନ୍ଦର୍ ସିଂହ ସବୁଠାରୁ ଅନପପୁଲାର ମୁଖ୍ୟମନ୍ତ୍ରୀ

(ସତ୍ୟପାଠ ବ୍ୟୁରୋ) ଭୁବନେଶ୍ୱର : ବର୍ତ୍ତମାନ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀମାନେ ଚର୍ଚ୍ଚାରେ ଅଛନ୍ତି।  ଉତ୍ତରପ୍ରଦେଶ ପରି ବଡ ରାଜ୍ୟ ଠାରୁ ଆରମ୍ଭ କରି ପଞ୍ଜାବ ପରି ମଧ୍ୟମ ଏବଂ ଉତ୍ତରାଖଣ୍ଡ ପରି ଛୋଟ ରାଜ୍ୟର ମୁଖ୍ୟମନ୍ତ୍ରୀ ମାନେ ଏବେ ସଙ୍କଟର ସାମ୍ନା କରୁଛନ୍ତି। 

 ଏହି ରାଜ୍ୟଗୁଡିକରେ ଆଭ୍ୟନ୍ତରୀଣ ଦଳୀୟ ବିବାଦ, ନେତୃତ୍ୱ ସମସ୍ୟା ବିଷୟରେ ଅନେକ ବିତର୍କ ହୋଇଛି । ଯାହା ଦ୍ବାରା ମୁଖ୍ୟମନ୍ତ୍ରୀଙ୍କ ଅଧିକାର ଏବଂ ସରକାରର ଶକ୍ତିକୁ ଚ୍ୟାଲେଞ୍ଜ କରୁଛି। କିନ୍ତୁ ଭାରତ ପରି ଏକ-ବ୍ୟକ୍ତି-ଏକ-ଭୋଟ୍ ନିର୍ବାଚନୀ ଗଣତନ୍ତ୍ରରେ ରାଜନୈତିକ ବିଶେଷଜ୍ଞ ହୁଅନ୍ତୁ କିମ୍ବା ଦଳର ହାଇକମାଣ୍ଡ ସମସ୍ତଙ୍କୁ ବାଦ୍ ଦେଇ ଭୋଟରମାନେ ସେମାନଙ୍କର ମୁଖ୍ୟମନ୍ତ୍ରୀଙ୍କୁ କିପରି ମୂଲ୍ୟାଙ୍କନ କରନ୍ତି ତାହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ।

 ଭାରତର ବିଭିନ୍ନ ରାଜ୍ୟ ପାଇଁ “ପ୍ରଶନମ୍” ଦ୍ବାରା ଏକ ତ୍ରୟ ମାସିକ ମୁଖ୍ୟମନ୍ତ୍ରୀ ଅନୁମୋଦନ ରେଟିଂ ଆରମ୍ଭ କରୁଛନ୍ତି।  ପ୍ରଥମ ରାଉଣ୍ଡରେ ୧୩ ଟି ରାଜ୍ୟ ବଛାଯାଇଛି , ଯାହା ଭାରତର ଜନସଂଖ୍ୟାର ୬୭% । ଏହି ରାଜ୍ୟ ଗୁଡିକ ହେଉଛି ବିହାର, ଗୋଆ, ଗୁଜୁରାଟ, ହରିୟାଣା, ଝାଡଖଣ୍ଡ, କର୍ଣ୍ଣାଟକ, ମଧ୍ୟପ୍ରଦେଶ, ମହାରାଷ୍ଟ୍ର, ପଞ୍ଜାବ, ରାଜସ୍ଥାନ, ତେଲେଙ୍ଗାନା, ଉତ୍ତରପ୍ରଦେଶ ଏବଂ ଉତ୍ତରାଖଣ୍ଡ।

ଏଥିରେ ଜାଣିଶୁଣି ନିକଟରେ ନିର୍ବାଚନ ହୋଇଥିବା ରାଜ୍ୟଗୁଡିକୁ ପଶ୍ଚିମବଙ୍ଗ , ତାମିଲନାଡୁ, କେରଳ, ଏବଂ ଆସାମକୁ ଅନ୍ତର୍ଭୁକ୍ତ କରାଯାଇନାହିଁ। କାରଣ ସେହି ରାଜ୍ୟ ଗୁଡ଼ିକର ମୁଖ୍ୟମନ୍ତ୍ରୀ ମାନେ ଏବେ କାମ ଆରମ୍ଭ କରିଛନ୍ତି ।  ଏଥିରେ ଆନ୍ଧ୍ରପ୍ରଦେଶ, ଛତିଶଗଡ, ଦିଲ୍ଲୀ ଏବଂ ହିମାଚଳ ପ୍ରଦେଶରେ ସର୍ଭେ କରାଯାଇ ନାହିଁ। ଏହି ୧୩ଟି ରାଜ୍ୟର ପ୍ରାୟ ୧୭୫୦୦ ଭୋଟରଙ୍କୁ ନେଇ ଏହି ସର୍ଭେ କରାଯାଇଥିଲା 

ଆପଣ ଆପଣଙ୍କର ମୁଖ୍ୟମନ୍ତ୍ରୀ (ମୁଖ୍ୟମନ୍ତ୍ରୀଙ୍କ ନାମ)ଙ୍କ ଳ ପ୍ରଦର୍ଶନ ବିଷୟରେ କ’ଣ ଭାବୁଛ?

 ୧) ପ୍ରଦର୍ଶନ ଖରାପ ଏବଂ ପୁଣି ଥରେ ମୁଖ୍ୟମନ୍ତ୍ରୀ ହୋଇ ଆସିବା ଉଚିତ୍ ନୁହେଁ ।

 ୨) ପ୍ରଦର୍ଶନ ଠିକ ଅଛି କିନ୍ତୁ ମୁଁ ତାଙ୍କୁ ଆଉ ଭୋଟ୍ ଦେବି ନାହିଁ ।

 ୩) ପ୍ରଦର୍ଶନ ଭଲ ଏବଂ ମୁଁ ତାଙ୍କୁ ପୁଣି ଥରେ ମୁଖ୍ୟମନ୍ତ୍ରୀ ଭାବରେ ଦେଖିବାକୁ ଚାହୁଁଛି ।

 ୪) ମୋର କୌଣସି ମତାମତ ନାହିଁ 

 ସବୁଠାରୁ ଲୋକପ୍ରିୟ :-

 ମହାରାଷ୍ଟ୍ରରେ ସର୍ଭେ କରାଯାଇଥିବା ସମସ୍ତ ଭୋଟରଙ୍କ ମଧ୍ୟରୁ ପ୍ରାୟ ଅର୍ଦ୍ଧେକ (୪୯ ପ୍ରତିଶତ) କହିଥିଲେ ଯେ ସିଏମ୍ ଉଦ୍ଧବ ଠାକରେଙ୍କ ପ୍ରଦର୍ଶନ ଭଲ, ଏବଂ ସେମାନେ ପୁନର୍ବାର ତାଙ୍କୁ ଭୋଟ୍ ଦେବେ। ମଧ୍ୟପ୍ରଦେଶର ସିଏମ ଶିବରାଜ ସିଂ ଚୌହାନ ୪୪% ଭୋଟ୍ ପାଇ ପରବର୍ତ୍ତୀ ସ୍ଥାନରେ ଅଛନ୍ତି।  ତୃତୀୟରେ ରାଜସ୍ଥାନ ସିଏମ ଅଶୋକ ଗେହଲୋଟ୍ ଅଛନ୍ତି ୪୦ ପ୍ରତିଶତ ଭୋଟର ତାଙ୍କ ପ୍ରଦର୍ଶନରେ ଖୁସି ଅଛନ୍ତି। 

 ସବୁଠାରୁ ଅନପପୁଲାର :-

 ପ୍ରଶନମ ଦ୍ବାରା କରାଯାଇଥିବା ସର୍ଭେରେ ପଞ୍ଜାବର ସିଏମ୍ କ୍ୟାପଟେନ ଅମରିନ୍ଦର ସିଂ ହେଉଛନ୍ତି  ସବୁଠାରୁ ଅନପପୁଲାର ସିଏମ୍। ଏହି ସର୍ଭେ ରିପୋର୍ଟ ଅନୁଯାୟୀ ପଞ୍ଜାବର ଷାଠିଏ ପ୍ରତିଶତ ଲୋକ କହିଛନ୍ତି ଯେ ମୁଖ୍ୟମନ୍ତ୍ରୀଙ୍କ ପ୍ରଦର୍ଶନ ଖରାପ ଥିଲା ଏବଂ ସେମାନେ ତାଙ୍କୁ ପୁଣି ଥରେ ମୁଖ୍ୟମନ୍ତ୍ରୀ ଭାବେ ଦେଖିବାକୁ ଚାହୁଁନାହାଁନ୍ତି।  ୧୫ ପ୍ରତିଶତ ଅନୁଭବ କରିଛନ୍ତି ଯେ ତାଙ୍କର ପ୍ରଦର୍ଶନ ଠିକ ଅଛି କିନ୍ତୁ ସେମାନେ ତାଙ୍କୁ ଆଉ ଭୋଟ୍ ଦେବେ ନାହିଁ। ମୋଟ ଉପରେ, ପଞ୍ଜାବର ୭୫% ଭୋଟର କ୍ୟାପଟେନ ଅମରିନ୍ଦର ସିଂଙ୍କୁ ପୁନର୍ବାର ମୁଖ୍ୟମନ୍ତ୍ରୀ ଭାବେ ଦେଖିବାକୁ ଚାହୁଁନାହାଁନ୍ତି।

ତେବେ ଉତ୍ତରାଖଣ୍ଡ କଥା ଟିକେ ଅଲଗା କାରଣ ଏଠାରେ ଏକ ବର୍ଷ ମଧ୍ୟରେ ଜଣ ମୁଖ୍ୟମନ୍ତ୍ରୀ ହୋଇଛନ୍ତି ।  ତେଣୁ, ବର୍ତ୍ତମାନର ମୁଖ୍ୟମନ୍ତ୍ରୀଙ୍କୁ ନେଇ ସର୍ଭେ କରିବା ପରିବର୍ତ୍ତେ ଏଠାରେ ମୋଟାମୋଟି ସବୁ ମୁଖ୍ୟମନ୍ତ୍ରୀ ମାନଙ୍କର କାର୍ଯ୍ୟଦକ୍ଷତା ବିଷୟରେ ଭୋଟରଙ୍କୁ ପଚରାଯାଇଥିଲା। ତେବେ ୪୭ ପ୍ରତିଶତ ଉତ୍ତରଦାତା କହିଥିଲେ ଯେ ମୁଖ୍ୟମନ୍ତ୍ରୀଙ୍କ ପ୍ରଦର୍ଶନ ଖରାପ ଏବଂ ୩୧ ପ୍ରତିଶତ ଲୋକ କହିଥିଲେ ଯେ ଏହି ମୁଖ୍ୟମନ୍ତ୍ରୀ ମାନେ ଠିକ୍ ଅଛନ୍ତି କିନ୍ତୁ ସେମାନେ ତାଙ୍କୁ ପୁନର୍ବାର ଭୋଟ୍ ଦେବେ ନାହିଁ।  ତେଣୁ ଉତ୍ତରାଖଣ୍ଡରେ ସର୍ଭେ କରାଯାଇଥିବା ପ୍ରାୟ ୮୦ ପ୍ରତିଶତ (୪୭+ ୩୧) ଭୋଟର ସେମାନଙ୍କ ସିଏମ୍ ଙ୍କ କାର୍ଯ୍ୟଦକ୍ଷତାକୁ ପସନ୍ଦ କରନ୍ତି ନାହିଁ।  

 ନେଟ୍ ରେଟିଂ :- 

 ଭାରତରେ ରାଜନୈତିକ ବିଶେଷଜ୍ଞ ମାନଙ୍କର ଅଭ୍ୟାସ ହେଉଛି ନେତାଙ୍କ କାର୍ଯ୍ୟଦକ୍ଷତାର ମାପକାଠି ଭାବରେ  ସେମାନେ ଆଣ୍ଟି-ଇନକମ୍ବେନ୍ସିକୁ ଦେଖନ୍ତି ।  ଅଧିକାଂଶ ପାଶ୍ଚାତ୍ୟ ଗଣତାନ୍ତ୍ରିକ ରାଷ୍ଟ୍ରଗୁଡିକରେ, ଆଣ୍ଟି-ଇନକମ୍ବୁନ୍ସି କୁ ନେଇ ଅନୁମାନ କରାଯାଏ। ତେଣୁ, ଭାରତର ଅଧିକାଂଶ ନିର୍ବାଚିତ ନେତାଙ୍କ ପାଇଁ ଆଣ୍ଟି-ଇନକମ୍ବୁନ୍ସି ଦିଆଯାଉଥିବାରୁ ସିଏମ୍ ମାନଙ୍କର ଅସନ୍ତୁଷ୍ଟ ସ୍ତର ମାପିବା ଉପଯୁକ୍ତ ଅଟେ।

 ଉତ୍ପାଦ କିମ୍ବା ସେବାର ଅନୁକୂଳ ମୂଲ୍ୟାୟନ ପାଇଁ ବ୍ୟବସାୟରେ ବ୍ୟବହୃତ, ନେଟ୍ ପ୍ରୋମୋଟର୍ ସ୍କୋର (NPS) ର ମ୍ୟାନେଜମେଣ୍ଟ ଟୁଲ୍ ରୁ ସର୍ଭେ କରାଯାଇଥିବା ରାଜ୍ୟଗୁଡିକର CM ପାଇଁ ଏକ ନେଟ୍ ଡିସପ୍ରୋଭାଲ୍ ରେଟିଂ (NDR) କରାଯାଇଥିଲା । ଏହା ଏକ ସରଳ ଟ୍ରିକ୍ ଯେଉଁଠାରେ ମୁଖ୍ୟମନ୍ତ୍ରୀଙ୍କର କାର୍ଯ୍ୟଦକ୍ଷତାକୁ ସମର୍ଥନ କରୁଥିବା ଲୋକଙ୍କ ଶତକଡା ପ୍ରତିଶତରୁ ନାପସନ୍ଦ କରୁଥିବା ଲୋକଙ୍କ ଶତକଡା ପ୍ରତିଶତ ବିୟୋଗ କରାଯାଇଥାଏ। ଉଦାହରଣ ସ୍ୱରୂପ , NDR କୁ Bad’ plus ‘OK (but won’t vote) ମାଇନସ୍ ‘Good’NDR ଅଧିକ ତେବେ ଅନପପୁଲାର ମୁଖ୍ୟମନ୍ତ୍ରୀ , NDR କମ୍ ର ଅର୍ଥ ହେଉଛି ଲୋକପ୍ରିୟ ମୁଖ୍ୟମନ୍ତ୍ରୀ ।

 ଏହି ଟେବୁଲରୁ ଏହା ସ୍ପଷ୍ଟ ହୋଇଛି ଯେ ଉଦ୍ଧବ ଠାକରେ ଏବଂ ଶିବରାଜ ଚୌହାନ ସବୁଠାରୁ ଲୋକପ୍ରିୟ ସିଏମ ହୋଇଥିବାବେଳେ ବର୍ଷାରେ ତିନିଟି ମୁଖ୍ୟମନ୍ତ୍ରୀ ଥିବା ଉତ୍ତରାଖଣ୍ଡ ସିଏମ ଏବଂ କ୍ୟାପଟେନ ଅମରିନ୍ଦର ସିଂ ସବୁଠାରୁ ଅନପପୁଲାର ମୁଖ୍ୟମନ୍ତ୍ରୀ। ସୂଚନାଯୋଗ୍ୟ, ଗୁଜୁରାଟରେ ବିଜୟ ରୂପାନୀ ଅନପପୁଲାର ମୁଖ୍ୟମନ୍ତ୍ରୀ ତାଲିକାର ତୃତୀୟ ସ୍ଥାନରେ ଅଛନ୍ତି । ଏହି ସର୍ଭେ ଅନୁଯାୟୀ ଉତ୍ତରପ୍ରଦେଶର ସିଏମ୍ ଯୋଗୀ ଆଦିତ୍ୟନାଥ ହେଉଛନ୍ତି ପଞ୍ଚମ ଲୋକପ୍ରିୟ ସିଏମ୍, ତାଙ୍କ ପ୍ରଦର୍ଶନକୁ ନେଇ ବର୍ତ୍ତମାନର ସ୍ଥିତି ବିପରୀତ। ସୂଚନାଯୋଗ୍ୟ ଆସନ୍ତା ବର୍ଷ ଉତ୍ତରପ୍ରଦେଶ, ପଞ୍ଜାବ, ଗୁଜୁରାଟ ଏବଂ ଉତ୍ତରାଖଣ୍ଡରେ ନିର୍ବାଚନ ହେବାକୁ ଯାଉଛି ।

 ପ୍ରଶନମ୍,ଏହାର ସ୍ୱଚ୍ଛତା ଏବଂ ଅଖଣ୍ଡତାର ନୀତି ଅନୁଯାୟୀ, ବିଶ୍ଳେଷକ ଏବଂ ଅନୁସନ୍ଧାନକାରୀଙ୍କ ଅଧିକ ଯାଞ୍ଚ ପାଇଁ ଏହି ସର୍ଭେର ସମ୍ପୂର୍ଣ୍ଣ ତଥ୍ୟ ଉପଲବ୍ଧ କରାଇଥାଏ । ପ୍ରସନ୍ନମ୍ ର ପ୍ରତିଷ୍ଠାତା ରାଜେଶ ଜୈନ ଏକ AI ଟେକ୍ନୋଲୋଜି ଷ୍ଟାର୍ଟ ଅପ୍ ଯାହା ଅଧିକ ବୈଜ୍ଞାନିକ, ସହଜ, ଏବଂ ସୁଲଭ ମୂଲ୍ୟରେ ମତାମତ ସଂଗ୍ରହ କରିବାକୁ ଲକ୍ଷ୍ୟ ରଖିଥାଏ ।

The post ଉଦ୍ଧବ ଠାକରେ ସବୁଠୁ ଲୋକପ୍ରିୟ – କ୍ୟାପଟେନ ଅମରିନ୍ଦର୍ ସିଂହ ସବୁଠାରୁ ଅନପପୁଲାର ମୁଖ୍ୟମନ୍ତ୍ରୀ appeared first on Satya Patha.

Read Moreଜାତୀୟ, ରାଜନୀତି, Popular CM, Prasanam Survey, Unpopular CMSatya Patha

Leave a Reply

Your email address will not be published. Required fields are marked *