ବିଜେପିର ଜନସଂଖ୍ୟା ନିୟନ୍ତ୍ରଣ ଯୋଜନାକୁ ନୀତୀଶ କୁମାରଙ୍କ କାଉଣ୍ଟର , କହିଲେ – “ଆଇନ ପ୍ରଣୟନ କରି ଏପରି କରାଯାଇ ପାରିବ ନାହିଁ “

(ସତ୍ଯପାଠ ବ୍ୟୁରୋ) ଭୁବନେଶ୍ୱର : ଉତ୍ତରପ୍ରଦେଶ ଏବଂ ଆସାମ ପରି ବିଜେପି ଶାସିତ ରାଜ୍ୟଗୁଡିକ ଜନସଂଖ୍ୟାକୁ ନିୟନ୍ତ୍ରଣ କରିବା ପାଇଁ ଆଇନ ପ୍ରଣୟନ କରିବା ପାଇଁ ଯୋଜନା ପ୍ରସ୍ତୁତ କରୁଛନ୍ତି। କିନ୍ତୁ ଏନଡିଏର ସହଯୋଗୀ ଜେଡିୟୁ ସୁପ୍ରିମୋ ତଥା ମୁଖ୍ୟମନ୍ତ୍ରୀ ନୀତୀଶ କୁମାର ଖୋଲାଖୋଲି ଭାବେ ସର୍ବସାଧାରଣରେ ଏହାର କାଉଣ୍ଟର କରିଛନ୍ତି। କେବଳ ଆଇନ ପ୍ରଣୟନ କରିଦେଲେ ଜନସଂଖ୍ୟା ନିୟନ୍ତ୍ରଣ ହୋଇଯିବ ବୋଲି ଭାବିବା ଭୁଲ ବୋଲି ନୀତୀଶ କୁମାର କହିଛନ୍ତି।

ନୀତୀଶ କୁମାର ସୋମବାର ଗଣମାଧ୍ୟମକୁ କହିଛନ୍ତି, “ରାଜ୍ୟଗୁଡ଼ିକ ନିଜ ଇଚ୍ଛାରେ ସବୁ କିଛି କରିପାରିବେ। ସେମାନଙ୍କୁ ରୋକି ହେବ ନାହିଁ। କିନ୍ତୁ ମୁଁ ସ୍ପଷ୍ଟ ଭାବେ କହିବାକୁ ଚାହେଁ ଯେ ଆଇନ ପ୍ରଣୟନ କରିଦେଲେ, କେବେ ହେଲେ ଜନସଂଖ୍ୟାକୁ ନିୟନ୍ତ୍ରଣ କରାଯାଇ ପାରିବ ନାହିଁ। ଆପଣମାନେ ଚାଇନା ଓ ଅନ୍ୟ ଦେଶଗୁଡ଼ିକ ଏହାର ଉଦାହରଣ ଭାବେ ନେଇପାରିବେ।”

 ମୁଖ୍ୟମନ୍ତ୍ରୀଙ୍କ କହିବାନୁସାରେ, ତାଙ୍କ ସରକାର ପାଇଁ ଏହା ଏକ “ଆଶ୍ଚର୍ଯ୍ୟଜନକ ମୁହୂର୍ତ୍ତ” ଥିଲା ଯେତେବେଳେ ତଥ୍ୟ ଦର୍ଶାଇଥିଲା ଯେ ପରିବାରର ମହିଳାମାନେ ଯେତେ ଅଧିକ ଶିକ୍ଷିତ ହେବେ ପ୍ରଜନନ ହାର କମ୍ ହେବ।  ଯେତେବେଳେ ମହିଳାମାନେ ସଚେତନ ଓ ଶିକ୍ଷିତ ହୁଅନ୍ତି, ସେତେବେଳେ ଜନସଂଖ୍ୟା ବୃଦ୍ଧି ହାର ହ୍ରାସ ପାଇବ ବୋଲି ବିହାର ମୁଖ୍ୟମନ୍ତ୍ରୀ ନିତୀଶ କୁମାର କହିଛନ୍ତି।

ସେ କହିଛନ୍ତି ଯେ ,” ୨୦୪୦ ସୁଦ୍ଧା ଜନସଂଖ୍ୟା ହ୍ରାସ ପାଇବା ଆରମ୍ଭ ହେବ। ଯଦି କିଛି ଲୋକ ଏହାକୁ ନିୟନ୍ତ୍ରଣ କରିବା ପାଇଁ ଆଇନ ପ୍ରଣୟନ କରିବାକୁ ଚାହୁଁଛନ୍ତି, ତା’ହେଲେ ସେଇଟା ତାଙ୍କ ଚିନ୍ତାଧାରା ହୋଇପାରେ। ଆମ ଚିନ୍ତାଧାରା ପୂରା ସ୍ପଷ୍ଟ ଯେ ଆମେ କେମିତି ଜନସଂଖ୍ୟା ବୃଦ୍ଧିକୁ ନିୟନ୍ତ୍ରଣ କରିପାରିବୁ ? ଏହା କେବଳ ଗୋଟିଏ ସଂପ୍ରଦାୟର ଲୋକଙ୍କ ବିଷୟରେ ନୁହେଁ। କିନ୍ତୁ ମହିଳାମାନେ ଶିକ୍ଷିତ ହେଲେ ସମସ୍ତେ ଲାଭବାନ ହେବେ। ଆପଣ ଦେଖନ୍ତୁ ମହିଳାମାନେ ଶିକ୍ଷତ ହେବାରୁ ବିହାରରେ ବର୍ତ୍ତମାନ ପ୍ରଜନନ ହାର କେତେ ହ୍ରାସ ପାଉଛି ବୋଲି ମୁଖ୍ୟମନ୍ତ୍ରୀ କହିଛନ୍ତି।

 ସମାନ ତର୍କ ଅନୁଯାୟୀ ବିଜେପିର ଜଣେ ବରିଷ୍ଠ ନେତା କହିଛନ୍ତି ଯେ ନୀତୀଶ କୁମାର ମଦ ଉପରେ ନିଷେଧାଦେଶ ଦେଇଛନ୍ତି କିନ୍ତୁ ଏହା ମୁକ୍ତ ଭାବରେ ଉପଲବ୍ଧ – ଏପରିକି ହୋମ୍ ଡେଲିଭରୀ ହେଉଛି। ତେଣୁ ସେ ଯାହା ପ୍ରଚାର କରନ୍ତି ତାହା ଅଭ୍ୟାସ କରିବା ଉଚିତ୍ ବୋଲି ବିଜେପି ନେତା କହିଛନ୍ତି। ଅତୀତରେ ମଧ୍ୟ ଧାରା ୩୭୦ ଏବଂ ସିଏଏ-ଏନଆରସିକୁ ନେଇ ମନ୍ତବ୍ୟକୁ ନେଇ ଚର୍ଚ୍ଚାରେ ଥିଲେ ନୀତୀଶ ।

 ସୂଚନାଯୋଗ୍ୟ, ଉତ୍ତର ପ୍ରଦେଶ ସରକାର ଜନସଂଖ୍ୟା ନିୟନ୍ତ୍ରଣ କରିବା ପାଇଁ ନୂଆ ଆଇନ ଆଣିବାକୁ ଯାଉଛନ୍ତି। ଦୁଇରୁ ଅଧିକ ସନ୍ତାନ ଥିବା ଲୋକଙ୍କୁ ଏହି ଡ୍ରାଫ୍ଟ ଆଇନରେ ସରକାରୀ ଚାକିରି ମିଳିବ ନାହିଁ ବୋଲି ବ୍ୟବସ୍ଥା ହୋଇଛି। ସେହିପରି ସରକାରୀ ସୁବିଧା ସୁଯୋଗରୁ ମଧ୍ୟ ଦୁଇରୁ ଅଧିକ ସନ୍ତାନ ଥିବା ବାପା ମା’ଙ୍କୁ ବଞ୍ଚିତ କରାଯିବ ବୋଲି ଯୋଗୀ ସରକାର ନୂଆ ଆଇନ ଆଣୁଛନ୍ତି।

 ରାଜ୍ୟର “ସୀମିତ ପରିବେଶ ଏବଂ ଅର୍ଥନୈତିକ ସମ୍ବଳ” ଏହା ଆବଶ୍ୟକ ତଥା ଜରୁରୀ ହୋଇପଡିଛି ଯେ ମାନବ ଜୀବନର ମୌଳିକ ଆବଶ୍ୟକତା ସବୁ ନାଗରିକଙ୍କ ନିକଟରେ ଉପଲବ୍ଧ ହୋଇପାରିବ ବୋଲି ବିଲ୍ ରେ ଉଲ୍ଲେଖ ରହିଛି।  ଆସାମ ସରକାର ମଧ୍ୟ ଗତ ମାସରେ ସମାନ ପଦକ୍ଷେପ ପାଇଁ ଯୋଜନା ଘୋଷଣା କରିଥିଲେ ​​ଯାହା ଦ୍ବାରା ଦୁଇରୁ ଅଧିକ ପିଲା ଥିବା ପରିବାରକୁ ସରକାରୀ ସୁବିଧାରୁ ବଞ୍ଚିତ ରଖାଯିବ।

The post ବିଜେପିର ଜନସଂଖ୍ୟା ନିୟନ୍ତ୍ରଣ ଯୋଜନାକୁ ନୀତୀଶ କୁମାରଙ୍କ କାଉଣ୍ଟର , କହିଲେ – “ଆଇନ ପ୍ରଣୟନ କରି ଏପରି କରାଯାଇ ପାରିବ ନାହିଁ “ appeared first on Satya Patha.

Read Moreଜାତୀୟ, ରାଜନୀତି, BJP, nitish kumar, Population control DraftSatya Patha

Leave a Reply

Your email address will not be published. Required fields are marked *