୧୫ ତାରିଖ ବାମଦଳ ମାନଙ୍କର ଓଡ଼ିଶା ବନ୍ଦ ଡ଼ାକରାକୁ ସମାଜବାଦୀ ପାର୍ଟିର ସମର୍ଥନ

ଭୁବନେଶ୍ୱର: ପେଟ୍ରୋଲ, ଡ଼ିଜେଲ ଓ ରନ୍ଧନ ଗ୍ୟାସର ମୂଲ୍ୟବୃଦ୍ଧି ଯୋଗୁ ସାଧାରଣ ଖାଉଟି ଅତିଷ୍ଠ ହେଲେଣି। ଏହା ସାଙ୍ଗକୁ ବସ୍ ଭଡ଼ା, ପରିବହନ ଭଡ଼ା ଓ ଅନ୍ୟାନ୍ୟ ଟିକସ ବୃଦ୍ଧି ଯୋଗୁ ଚାଉଳ, ଡ଼ାଲି, ତେଲ, ଚିନି ପ୍ରଭୃତି ନିତ୍ୟ ବ୍ୟବହାର୍ଯ୍ୟ ଜିନିଷର ଦର ବୃଦ୍ଧି ପାଇବାରେ ଲାଗିଛି। ଏହାକୁ ଅତ୍ୟାବଶ୍ୟକୀୟ ସାମଗ୍ରୀ ତାଲିକାରୁ ସରକାର ବାଦ ଦେବା ଫଳରେ ମୁନାଫାଖୋର ବ୍ୟବସାୟୀମାନେ ତାର ଫାଇଦା ନେଇ ଗ୍ରାହକଙ୍କୁ ଶୋଷଣ କରିବାରେ ଲାଗିଛନ୍ତି।

ତେଣୁ ବାମ ଦଳମାନଙ୍କ ପକ୍ଷରୁ ଆସନ୍ତା ୧୫ ତାରିଖ ଦିନ ଦିଆ ଯାଇଥିବା ସକାଳ ୬ ଘଟିକାରୁ ଦିବା ୧୨ ଘଟିକା ୬ ଘଣ୍ଟିଆ ଓଡ଼ିଶା ବନ୍ଦ ଡ଼ାକରାକୁ ସମାଜବାଦୀ ପାର୍ଟି ଓଡ଼ିଶା ରାଜ୍ୟ କମିଟି ସମ୍ପୂର୍ଣ୍ଣ ସମର୍ଥନ କରୁଛି ବୋଲି ପାର୍ଟିର ରାଜ୍ୟ ସଭାପତି ରବି ବେହେରା ଏକ ପ୍ରେସ୍ ବିବୃତ୍ତିରେ ଜଣାଇଛନ୍ତି।

Read Moreଆଜିର ଖବର, ରାଜ୍ୟ ଖବର, ଓଡିଶା ବନ୍ଦ, ବାମଦଳ, ସମାଜବାଦୀ ପାର୍ଟିThe Samikhsya Odia

Leave a Reply

Your email address will not be published. Required fields are marked *