ନୂଆ କେନ୍ଦ୍ର ମନ୍ତ୍ରୀମଣ୍ଡଳରେ ବରୁଣ ଗାନ୍ଧୀଙ୍କୁ ଅଣଦେଖା: ପ୍ରତିକ୍ରିୟା ରଖିଲେ ମା’ ମେନକା ଗାନ୍ଧୀ

ନୂଆଦିଲ୍ଲୀ: କେନ୍ଦ୍ର କ୍ୟାବିନେଟର ବିସ୍ତାର ହୋଇଯାଇଥିବା ବେଳେ ମନ୍ତ୍ରୀମାନେ କାମ ଆରମ୍ଭ ମଧ୍ୟ କରିସାରିଲେଣି। ହେଲେ ଏହି କ୍ୟାବିନେଟରେ ଉତ୍ତରପ୍ରଦେଶର ସାଂସଦ ବରୁଣ ଗାନ୍ଧୀ ସାମିଲ ବୋଲି ଆଶା କରାଯାଉଥିଲା। ହେଲେ ତାଙ୍କୁ ନୂଆ ମନ୍ତ୍ରୀମଣ୍ଡଳରେ ସ୍ଥାନ ମିଳିନାହିଁ। ତେବେ ଏହାକୁ ନେଇ ବରୁଣଙ୍କ ମା’ ତଥା ସାଂସଦ ମେନକା ଗାନ୍ଧୀ ନିଜର ପ୍ରତିକ୍ରିୟା ରଖିଛନ୍ତି।

ମେନକା ଗାନ୍ଧୀ କହିଛନ୍ତି ଯେ, ସଂସଦରେ ୬୦୦ ରୁ ୬୫୦ ଜଣ ସାଂସଦ ଅଛନ୍ତି। ତେବେ ଏମାନଙ୍କ ମଧ୍ୟରୁ କେତେଜଣଙ୍କୁ ଜାଗା ଦେଇପାରିବେ। କିନ୍ତୁ ଯେଉଁମାନଙ୍କୁ ପ୍ରଧାନମନ୍ତ୍ରୀ ତାଙ୍କ ଟିମରେ ସାମିଲ କରିଛନ୍ତି, ସେମାନେ ସମସ୍ତେ ଦକ୍ଷ ଅଟନ୍ତି। ମେନକା ବର୍ତ୍ତମାନ ଦୁଇ ଦିନିଆ ସୁଲତାନପୁର ଗସ୍ତ ଯାଇଛନ୍ତି। ଯେଉଁଠି ସେ ନୂଆ ମନ୍ତ୍ରୀମଣ୍ଡଳକୁ ନେଇ ଏଭଳି ପ୍ରତିକ୍ରିୟା ରଖିଛନ୍ତି।

ଉଲ୍ଲେଖ ଯୋଗ୍ୟ ଯେ, ନରେନ୍ଦ୍ର ମୋଦୀଙ୍କ ପ୍ରଥମ କାର୍ଯ୍ୟକାଳରେ ମେନକାଙ୍କୁ ଶିଶୁ ବିକାଶ ମନ୍ତ୍ରୀ ଦାୟିତ୍ଵ ଦିଆଯାଇଥିଲା। କିନ୍ତୁ ଦ୍ଵିତୀୟ ପାଳିରେ ତାଙ୍କୁ ମନ୍ତ୍ରୀମଣ୍ଡଳରେ ସାମିଲ କାରାଯାଇନାହିଁ। ଉତ୍ତରପ୍ରଦେଶ ନିର୍ବାଚନ ଆସୁଥିବାରୁ ଏଥର ବରୁଣଗାନ୍ଧୀଙ୍କୁ କେନ୍ଦ୍ର ମନ୍ତ୍ରୀମଣ୍ଡଳରେ ସାମିଲ କରାଯିବ ବୋଲି ଚର୍ଚ୍ଚା ଜୋର ଧରିଥିଲା। କିନ୍ତୁ ଏଥର ଉତ୍ତରପ୍ରଦେଶରୁ ୭ ସାଂସଦଙ୍କୁ ଜଣଙ୍କୁ ମନ୍ତ୍ରୀ କରାଯାଇଥିବା ବେଳେ ବରୁଣ ଗାନ୍ଧୀଙ୍କୁ ବାଦ ଦିଆଯାଇଛି।

Read Moreଆଜିର ଖବର, ଜାତୀୟ ଖବର, କେନ୍ଦ୍ର କ୍ୟାବିନେଟ, କେନ୍ଦ୍ର ମନ୍ତ୍ରୀମଣ୍ଡଳ, ବରୁଣ ଗାନ୍ଧୀ, ମେନକା ଗାନ୍ଧୀThe Samikhsya Odia

Leave a Reply

Your email address will not be published. Required fields are marked *