ଭାରତ-ଶ୍ରୀଲଙ୍କା ସିରିଜ: ଜାଣନ୍ତୁ ସମସ୍ତ ମ୍ୟାଚର ତାରିଖ ଏବଂ ସମୟ, କେଉଁ ଚ୍ୟାନେଲରେ ହେବ ସିଧା ପ୍ରସାରଣ

ନୂଆଦିଲ୍ଲୀ: ୱାର୍ଲ୍ଡ ଟେଷ୍ଟ ଚମ୍ପିୟାନଶିପ ଫାଇନାଲ ମ୍ୟାଚରେ ହାରିବା ପରେ ଭାରତର କ୍ରିକେଟପ୍ରେମୀ ନିରାଶ ହୋଇପଡିଛନ୍ତି। କିନ୍ତୁ ଜୁଲାଇ ୧୩ ତାରିଖରେ ଆରମ୍ଭ ହେବାକୁ ଥିବା ଭାରତ ଏବଂ ଶ୍ରୀଲଙ୍କା ମଧ୍ୟରେ ଦିନିକିଆ ସିରିଜ ଉପରେ ବର୍ତ୍ତମାନ ଖେଳପ୍ରେମୀଙ୍କ ନଜର ରହିଛି। ଶିଖର ଧବନଙ୍କ ନେତୃତ୍ଵରେ ଭାରତୀୟ ଦଳ ଶ୍ରୀଲଙ୍କା ବିପକ୍ଷରେ ୩ ଟି ଦିନିକିଆ ଏବଂ ୩ଟି ଟି-୨୦ ମ୍ୟାଚ ଖେଳିବ। ଏହି ସିରିଜ ବଡ ରୋମାଞ୍ଚକ ହେବ ବୋଲି ଅନୁମାନ କରାଯାଉଛି। କାରଣ ଏହି ସିରିଜ ପାଇଁ ଅଭିଜ୍ଞ ଖେଳାଳିକୁ ବିଶ୍ରାମ ଦିଆଯାଇ ଯୁବ ଖେଳାଳିଙ୍କୁ ସୁଯୋଗ ଦିଆଯାଇଛି। ଏହି ଟିମରୁ ଆଗାମୀ ଟି-୨୦ ବିଶ୍ବକପ ମ୍ୟାଚ ପାଇଁ ମଧ୍ୟ କିଛି ଖେଳାଳି ମନୋନୀତ ହୋଇପାରନ୍ତି। ତେଣୁ ଇଶାନ କିଶନ, ସୂର୍ଯ୍ୟକୁମାର ଯାଦବଙ୍କ ଭଳି ଖେଳାଳି ଜଲୱା ଦେଖାଇବା ପାଇଁ ଆତୁର ହୋଇପଡିଛନ୍ତି।

କେଉଁ ଚ୍ୟାନେଲରେ ହେବ ସିଧା ପ୍ରସାରଣ:

ଟୁର୍ଣ୍ଣାମେଣ୍ଟର ପ୍ରସାରଣ ଅଧିକାର ସୋନି ଚ୍ୟାନେଲକୁ ଦିଆଯାଇଛି। ଦିନିକିଆ ଏବଂ ଟି-୨୦ ସିରିଜର ସିଧା ପ୍ରସାରଣ ସୋନି ଟେନ-୧, ସୋନି ଟେନ-୩, ସୋନି ଟେନ-୪ ଏବଂ ସୋନି ସିକ୍ସରେ କରାଯିବ।

ଦିନିକିଆ ମ୍ୟାଚ:

୧- ପ୍ରଥମ ଦିନିକିଆ- ଜୁଲାଇ ୧୩ ତାରିଖ- ଅପରାହ୍ନ ୧ ଟା ୩୦ ମିନିଟ

୨- ଦ୍ଵିତୀୟ ଦିନିକିଆ- ୧ଜୁଲାଇ ୧୬ ତାରିଖ- ଅପରାହ୍ନ ୧ ଟା୩୦ ମିନିଟ

୩- ତୃତୀୟ ଦିନିକିଆ- ଜୁଲାଇ ୧୮ ତାରିଖ- ଅପରାହ୍ନ ୧ ଟା ୩୦ ମିନିଟ

ଟି-୨୦ ସିରିଜ:

-ପ୍ରଥମ ଟି-୨୦- ଜୁଲାଇ ୨୧ ତାରିଖ (ବୁଧବାର)- ସନ୍ଧ୍ୟା ୭ ଟା

-ଦ୍ଵିତୀୟ ଟି-୨୦- ଜୁଲାଇ ୨୩ ତାରିଖ (ଶୁକ୍ରବାର)- ସନ୍ଧ୍ୟା ୭ ଟା

-ତୃତୀୟ ତ-୨୦- ଜୁଲାଇ ୨୫ ତାରିଖ (ରବିବାର)- ସନ୍ଧ୍ୟା ୭ ଟା

Read Moreଖେଳ, ବିଶେଷ ଖବର, ଭାରତ-ଶ୍ରୀଲଙ୍କା ସିରିଜ, ସିଧା ପ୍ରସାରଣThe Samikhsya Odia

Leave a Reply

Your email address will not be published. Required fields are marked *