BREAKING NEWS: ଚଳିତ ଶିକ୍ଷା ବର୍ଷକୁ ଦୁଇ ଭାଗରେ ବିଭକ୍ତ କରିବା ପାଇଁ CBSE ନେଲା ବଡ ନିଷ୍ପତି

ନୂଆଦିଲ୍ଲୀ, କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ – CBSE ଚଳିତ ଏକାଡେମିକ୍ ଅଧିବେଶନ 2021-22 କୁ ଦୁଇ ଅବଧିରେ ବିଭକ୍ତ କରିବାକୁ ନିଷ୍ପତ୍ତି ନେଇଛି। ପ୍ରତ୍ୟେକ ଅବଧୀରେ ପ୍ରାୟ ପଚାଶ ପ୍ରତିଶତ ପାଠ୍ୟକ୍ରମ ରହିବ। ଏହାକୁ ବୋର୍ଡ ଟର୍ମ-1 ଏବଂ ବୋର୍ଡ ଟର୍ମ- 2 ବୋଲି ନାମିତ କାରଯିବ।

ସିବିଏସ୍ଇ କହିଛି ଯେ ବିଭାଜିତ ସିଲାବସ୍ ଆଧାରରେ ବୋର୍ଡ ପ୍ରତ୍ୟେକ କାର୍ଯ୍ୟକାଳ ଶେଷରେ ପରୀକ୍ଷା କରିବ। ପ୍ରଥମ ପର୍ଯ୍ୟାୟରେ ବୋର୍ଡ ଟର୍ମ- I ପରୀକ୍ଷା  ନଭେମ୍ବର-ଡିସେମ୍ବର 2021 ମଧ୍ୟ ଭାଗରେ ଅନୁଷ୍ଠିତ ହେବ।

ଦ୍ୱିତୀୟ କାର୍ଯ୍ୟକାଳ ଶେଷ ହେବା ପରେ ବୋର୍ଡ ଟର୍ମ-୨ ର ସଂଶୋଧିତ ସିଲାବସ୍ ଉପରେ ଆଧାର କରି ବର୍ଷ ଶେଷରେ ପରୀକ୍ଷା କରିବ। ଏହି ପାଠ୍ୟକ୍ରମରେ ସମୁଦାୟ ପାଠ୍ୟକ୍ରମର ପ୍ରାୟ ପଚାଶ ପ୍ରତିଶତ ଅଂଶ ରହିବ।

ବୋର୍ଡ ଦ୍ୱାରା ସ୍ଥିର ହୋଇଥିବା ପରୀକ୍ଷା କେନ୍ଦ୍ରଗୁଡ଼ିକରେ ମାର୍ଚ୍ଚ-ଏପ୍ରିଲ 2022 ମଧ୍ୟରେ ଏହି ପରୀକ୍ଷା କରାଯିବ। ବର୍ତ୍ତମାନ ବୋର୍ଡ ଏହି ନିଷ୍ପତି ଅନୁସାରେ ଛାତ୍ରଛାତ୍ରୀମାନେ ଦୁଇଥର ବୋର୍ଡ ପରୀକ୍ଷା ଦେବେ।

ବୋର୍ଡ ଏକ ବିବୃତ୍ତିରେ କହିଛି ଯେ ଶିକ୍ଷା ବିଶେଷଜ୍ଞଙ୍କ ମତାମତ ଏବଂ ବିଷୟଗୁଡ଼ିକର ପାରସ୍ପରିକ ସମ୍ପର୍କକୁ ଧ୍ୟାନରେ ରଖି ବ୍ୟବସ୍ଥିତ ପଦ୍ଧତି ଆଧାରରେ ଏକାଡେମିକ୍ ଅଧିବେଶନ 2021-22 କୁ ବିଭକ୍ତ କରାଯିବ।

Read Moreଜାତୀୟ ଖବର, ବିଶେଷ ଖବର, cbseThe Samikhsya Odia

Leave a Reply

Your email address will not be published. Required fields are marked *