ନଭେମ୍ବରରେ ହେବ ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ, ଉନମୋଚିତ ହେଲା ପୋଷ୍ଟର

ନୂଆଦିଲ୍ଲୀ, ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାଭଡେକର 52 ତମ ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବର ପୋଷ୍ଟର ଉନମୋଚନ କରିଛନ୍ତି। ଏହି ଅବସରରେ ଚଳଚ୍ଚିତ୍ର ମହୋତ୍ସବର ନିୟମ ଉପରେ ଏକ ବୁକଲେଟ୍ ମଧ୍ୟ ପ୍ରକାଶ ପାଇଛି।

ଚଳିତ ବର୍ଷ ନଭେମ୍ବର 20 ରୁ 28 ନଭେମ୍ବର ପର୍ଯ୍ୟନ୍ତ ଗୋଆରେ ଏହି ଫିଲ୍ମ ଉତ୍ସବ ଅନୁଷ୍ଠିତ ହେବ । ଏହାକୁ ଏସିଆର ସର୍ବ ପୁରାତନ ଚଳଚ୍ଚିତ୍ର ମହୋତ୍ସବ ଭାବେ ବିବେଚନା କରାଯାଏ। ଏହା ହେଉଛି ଭାରତର ସବୁଠାରୁ ବଡ ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ।

ଗୋଆ ସରକାର ଏବଂ ଭାରତୀୟ ଚଳଚ୍ଚିତ୍ର ଶିଳ୍ପ ସହ ମିଳିତ ଭାବେ ଚଳଚ୍ଚିତ୍ର ମହୋତ୍ସବ ନିର୍ଦ୍ଦେଶାଳୟ ଏବଂ ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ଦ୍ୱାରା ଏହା ଆୟୋଜିତ ହେଉଛି । ଏହା ହାଇବ୍ରିଡ୍ ଫର୍ମାଟରେ କରାଯିବ ।

ଭାରତ ଏବଂ ବିଶ୍ବର ସର୍ବୋତ୍ତମ ଚଳଚ୍ଚିତ୍ର ପ୍ରତିବର୍ଷ ଚଳଚ୍ଚିତ୍ର ମହୋତ୍ସବରେ ପ୍ରଦର୍ଶିତ ହୁଏ । ଅଂଶଗ୍ରହଣ କରିବାକୁ ଏଣ୍ଟ୍ରିଗୁଡିକ 31 ଅଗଷ୍ଟ ସୁଦ୍ଧା ପଠାଯାଇପାରିବ । ଭାରତୀୟ ସିନେମାର ପ୍ରସିଦ୍ଧ ବ୍ୟକ୍ତିତ୍ୱ ସତ୍ୟଜିତ୍ ରୟଙ୍କ ଜନ୍ମ ଶତବାର୍ଷିକୀ ଅବସରରେ ଚଳଚ୍ଚିତ୍ର ମହୋତ୍ସବ ନିର୍ଦ୍ଦେଶକ ତାଙ୍କ ଚଳଚ୍ଚିତ୍ରର ଏକ ସ୍ୱତନ୍ତ୍ର ସ୍କ୍ରିନିଂ ଆୟୋଜନ କରିବେ।

Read MorePIB_NEWS, ଅନ୍ତରାଷ୍ଟ୍ରୀୟ, ଜାତୀୟ ଖବର, ବିଶେଷ ଖବର, ମନୋରଂଜନ, ସିନେମା, ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ, ପ୍ରକାଶ ଜାଭଡେକରThe Samikhsya Odia

Leave a Reply

Your email address will not be published. Required fields are marked *