ଭାରତୀୟ ରେଳବାଇରେ ଫ୍ରେଟ୍ ଲୋଡିଂରେ ଶୀର୍ଷ ସ୍ଥାନ ହାସଲ କଲା ଖୋର୍ଦ୍ଧା ରୋଡ ରେଳ ମଣ୍ଡଳ

ଭୁବନେଶ୍ବର, କୋଭିଡ-୧୯ର ଦ୍ଵିତୀୟ ଲହର ବୃଦ୍ଧି ପରିପ୍ରେକ୍ଷୀରେ ପ୍ରତିକୁଳ ପରିସ୍ଥିତି ସତ୍ତ୍ୱେ ଖୋର୍ଦ୍ଧା ରୋଡ଼ ରେଳ ମଣ୍ଡଳ ଜୁନ୍ ୨୦୨୧ ମସିହାରେ ମାଲ ପରିବହନରେ ଭାରତୀୟ ରେଳବାଇ ରେ ଶୀର୍ଷ ସ୍ଥାନ ହାସଲ କରିଛି। ଜୁନ୍ -୨୦୨୧ ରେ ଏହି ମଣ୍ଡଳ ୧୨.୭୪ ମିଲିୟନ୍ ଟନ୍ ମାଲ ପରିବହନ କରିଛି, ଯାହା ଭାରତୀୟ ରେଳବାଇ ଦ୍ୱାରା ପରିଚାଳିତ ସମୁଦାୟ ମାଲ ପରିବହନ ଲୋଡିଂ ଅର୍ଥାତ୍ ୧୧୨.୬୬ ମିଲିୟନ୍ ଟନ୍ ର ୧୧% ଏବଂ ପୂର୍ବ ତଟ ରେଳ ଜୋନ୍ ଦ୍ୱାରା ପରିଚାଳିତ ମୋଟ ୧୯.୧୧ ମିଲିୟନ୍ ଟନ୍ ଲୋଡିଙ୍ଗର ୬୭% ।

ଖୋର୍ଦ୍ଧା ରୋଡ଼ ମଣ୍ଡଳ ଗତ ବର୍ଷ ତୁଳନାରେ ଅର୍ଥାତ୍ ଜୁନ୍ ୨୦୨୦ ରେ ୨.୫୨ ମିଲିୟନ୍ ଟନ୍ ଲୋଡିଂକୁ ଅତିକ୍ରମ କରିଛି। ଜୁନ୍ ୨୦୨୧ ରେ, ତାଳଚେର, ପାରାଦୀପ, ଧାମରା, ନୟାଗଡ଼, ମେରାମଣ୍ଡଳି, ସୁକିନ୍ଦା, ବୁଢାପଙ୍କ ଇତ୍ୟାଦି ବିଭିନ୍ନ ଲୋଡିଂ ପଏଣ୍ଟରୁ ମଣ୍ଡଳ ଦ୍ଵାରା ଦୈନିକ ହାରାହାରି ୧୧୫ ରେକ୍ ମାଲ ପରିବହନ କରାଯାଇଥିଲା। ବିଭିନ୍ନ ପାୱାର ହାଉସ୍, ଉତ୍ପାଦନକାରୀ କମ୍ପାନୀ, ଉତ୍ପାଦନ ୟୁନିଟ୍ ଏବଂ ଇଣ୍ଡଷ୍ଟ୍ରିଜ୍ ପାଇଁ ବିଭିନ୍ନ ଦ୍ରବ୍ୟ ଯଥା କୋଇଲା, ଲୁହାପଥର, ସାର, ପେଟ୍ରୋଲିୟମ ପଦାର୍ଥ କଞ୍ଚାମାଲ ଇତ୍ୟାଦି ପରିବହନ କରାଯାଇଛି।

ଜୁନ୍ ୨୦୨୧ ମସିହାରେ, ଖୋର୍ଦ୍ଧା ରୋଡ଼ ମଣ୍ଡଳ ଜିନ୍ଦଲ ସାଇଡିଙ୍ଗ, ସୁକିନ୍ଦା ଠାରୁ ୩୭ ଟି ଏବଂ ନାଲକୋ ସାଇଡିପ୍ସ, ବୁଢାପଙ୍କ ଠାରୁ, ୧୧ ଟି ରେକ୍ ଲୋଡ୍ କରି, ସର୍ବଶ୍ରେଷ୍ଠ ଲୋଡିଂ ପଞ୍ଜିକରଣ କରିଛି।ଏହା ବ୍ୟତୀତ, ଡିଭିଜନ୍ ଜୁନ୍ ୨୦୨୧ ରେ ଜଗନ୍ନାଥପୁର ଗୁଡସ୍ ସେଡରେ ୩୨ ଟି ରେକ୍ ଅନଲୋଡ୍ କରିବାର ରେକର୍ଡ ମଧ୍ୟ ସୃଷ୍ଟି କରିଛି। କୋଭିଡ-୧୯ ର ଦ୍ଵିତୀୟ ଲହରରେ ବୃଦ୍ଧି ଯୋଗୁଁ ପ୍ରତିକୁଳ ଅବସ୍ଥା ଏବଂ କମ୍ କାଯ୍ୟଶକ୍ତି ସତ୍ତ୍ୱେ ଏହା ହାସଲ କରାଯାଇଛି।

କୋଭିଡ-୧୯ ର ଦ୍ୱିତୀୟ ଲହର ସମୟରେ ଡିଭିଜନ୍ ୨୭୯୯ ଟନ୍ ତରଳ ମେଡିକାଲ୍ ଅମ୍ଳଜାନକୁ ନିଜ ଅଧୀନରେ ଥିବା ବିଭିନ୍ନ ଇସ୍ପାତ କାରଖାନାରୁ ବିଭିନ୍ନ ରାଜ୍ୟକୁ କୋଭିଡ ରୋଗୀଙ୍କ ଚିକିତ୍ସା ପାଇଁ ପଯ୍ୟାପ୍ତ ଅମ୍ଳଜାନ ପରିବହନ କରିଛି।

ପୂର୍ବ ତଟ ରେଳବାଇ ର ଜେନେରାଲ୍ ମ୍ୟାନେଜର ବିଦ୍ୟା ଭୂଷଣଙ୍କ ଏବଂ ଖୋର୍ଦ୍ଧା ରୋଡ଼ ମଣ୍ଡଳ ରେଳ ପ୍ରବନ୍ଧକ, ଶଶି କାନ୍ତ ସିଂହଙ୍କ ଉତ୍ତମ ମାର୍ଗଦର୍ଶନ ଏହି ପ୍ରଦର୍ଶନକୁ ସମ୍ଭବ କରିପାରିଛି। ସକରାତ୍ମକ ମନୋଭାବ ଏବଂ ନିରନ୍ତର କଠିନ ପରିଶ୍ରମ ସହିତ ସଠିକ୍ ଚିନ୍ତାଧାରା ଏହି ଡିଭିଜନର ଚିହ୍ନ ଅଟେ। ଡିଭିଜନର ବ୍ୟବସାୟ ବିକାଶ ୟୁନିଟ୍ (ବିଡିୟୁ) ଲୋଡିଂ ପାଇଁ ନୂତନ ପନ୍ଥା ଆକର୍ଷିତ କରିବାରେ ଏକ ପ୍ରମୁଖ ସ୍ଥାନ ପାଲଟିଛି।

Read Moreଜାତୀୟ ଖବର, ବିଶେଷ ଖବର, ବ୍ୟବସାୟ, ଖୋର୍ଦ୍ଧା ରୋଡ ରେଳ ମଣ୍ଡଳ, ରେଳବାଇରେ ଫ୍ରେଟ୍ ଲୋଡିଂThe Samikhsya Odia

Leave a Reply

Your email address will not be published. Required fields are marked *