ଡବ୍ଲୁଟିସି ଫାଇନାଲ: ଦ୍ଵିତୀୟ ପାଳିରେ ଭାରତ ୧୭୦/୧୦, ନ୍ୟୁଜିଲାଣ୍ଡ ସାମ୍ନାରେ ୧୩୯ ରନର ବିଜୟ ଲକ୍ଷ୍ୟ

ନୂଆଦିଲ୍ଲୀ: ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ୱାର୍ଲ୍ଡ ଟେଷ୍ଟ ଚମ୍ପିୟାନଶିପ ଫାଇନାଲ ମ୍ୟାଚ ଜାରି ରହିଛି। ଆଜି ଷଷ୍ଠ ଦିନରେ (ରିଜର୍ଭ ଡେ’) ଭାରତର ଦ୍ଵିତୀୟ ପାଳିର ଖେଳ ଶେଷ ହୋଇଯାଇଛି। ଦ୍ଵିତୀୟ ପାଳିରେ ଭାରତ ମାତ୍ର ୧୭୦ ରନରେ ସମସ୍ତ ୱିକେଟ ହରାଇଛି। ଫଳରେ ନ୍ୟୁଜିଲାଣ୍ଡ ସମ୍ମୁଖରେ ୧୩୯ ରନର ବିଜୟ ଲକ୍ଷ୍ୟ ଦେଇଛି ବିରାଟ ବାହିନୀ।

ତେବେ ନ୍ୟୁଜିଲାଣ୍ଡକୁ ଏହି ଐତିହାସିକ ମ୍ୟାଚ ଜିତିବାକୁ ହେଲେ ୫୩ ଓଭରରେ ୧୩୯ ରନ ସଂଗ୍ରହ କରିବାକୁ ଥିବା ବେଳେ ଭାରତକୁ ଚମ୍ପିୟାନ ହେବା ପାଇଁ ୧୦ ଟି ୱିକେଟ ଆବଶ୍ୟକ।

ଦ୍ଵିତୀୟ ପାଳିରେ ଭାରତ ପକ୍ଷରୁ ରୋହିତ ଶର୍ମା ୩୦ ରନ ସଂଗ୍ରହ କରିଥିବା ବେଳେ ଶୁବମାନ ଗିଲ ୮ ରନ, ଚେତେଶ୍ଵର ପୂଜାରା ୧୫ ରନ, ବିରାଟ କୋହିଲୀ ୧୩ ରନ, ଅଜିଙ୍କ୍ୟ ରାହାଣେ ୧୫ ରନ, ରିଷଭ ପନ୍ତ ୪୧ ରନ, ରବୀନ୍ଦ୍ର ଜାଡ଼େଜା ୧୬ ରନ, ରବିଚନ୍ଦ୍ରନ ଅଶ୍ଵିନୀ ୭ ରନ, ମହମ୍ମଦ ଅଶ୍ଵିନୀ ୧୩ ରନ, ଯଶପ୍ରିତ ବୁମରା ଶୂନ୍ୟରେ ଆଉଟ ହୋଇଥିଲେ।

ସେହିଭଳି ନ୍ୟୁଜିଲାଣ୍ଡ ପକ୍ଷରୁ ଟିମ ସାଉଦୀ ସର୍ବାଧିକ ୪ ଟି ୱିକେଟ ନେଇଥିବା ବେଳେ ଟ୍ରେଣ୍ଟ ବୋଲ୍ଟ ୩ ଟି, କାଇଲ ଜାମିସନ ୨ ଟି ଏବଂ ନୀଲ ୱାଗ୍ନର ୧ ଟି ୱିକେଟ ଅକ୍ତିଆର କରିଥିଲେ।

Read Moreଅନ୍ତରାଷ୍ଟ୍ରୀୟ, ଆଜିର ଖବର, ଖେଳ, ଜାତୀୟ ଖବର, ଡବ୍ଲୁଟିସି ଫାଇନାଲ, ଦ୍ଵିତୀୟ ପାଳି, ନ୍ୟୁଜିଲାଣ୍ଡ, ଫାଇନାଲ ମ୍ୟାଚ, ରିଜର୍ଭ ଡେ, ୱାର୍ଲ୍ଡ ଟେଷ୍ଟ ଚମ୍ପିୟାନଶିପ୍The Samikhsya Odia

Leave a Reply

Your email address will not be published. Required fields are marked *