ଏଲଜେପି କାର୍ଯ୍ୟକାରିଣୀରେ ଚିରାଗଙ୍କ ଉପରେ ଭରସା କଲେ ନେତା: ରାମବିଳାସଙ୍କୁ ଭାରତ ରତ୍ନ ପାଇଁ କଲେ ଦାବି

ନୂଆଦିଲ୍ଲୀ: ଲୋକ ଜନଶକ୍ତି ପାର୍ଟିର ଲଢେଇ ଏବେ ନିର୍ବାଚନ କମିଶନ ପର୍ଯ୍ୟନ୍ତ ପହଞ୍ଚିସାରିଛି। ଏହା ଭିତରେ ଚିରାଗ ପାଶୱାନଙ୍କ ସମର୍ଥକମାନେ ଆଜି ଦିଲ୍ଲୀରେ ଦଳର ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ ଡାକିଥିଲେ। ପ୍ରାରମ୍ଭରୁ ଚିରାଗ ପାଶୱାନଙ୍କ ସହ ବୈଠକକୁ ଆସିଥିବା ସମସ୍ତ ସଦସ୍ୟ ସମ୍ବିଧାନର ଶପଥ ନେଇଥିଲେ। ଦଳର ସୁରକ୍ଷା ପାଇଁ ଏହି ବୈଠକରେ ଶପଥ ଗ୍ରହଣ କରାଯାଇଥିଲା। ଏହାସହ ପୂର୍ବତନ ଦଳର ଅଧ୍ୟକ୍ଷ ତଥା ପୂର୍ବତନ କେନ୍ଦ୍ରମନ୍ତ୍ରୀ ସ୍ଵର୍ଗତ ରାମବିଳାସ ପାଶୱାନଙ୍କୁ ଭାରତ ରତ୍ନ ପ୍ରଦାନ କରିବା ପାଇଁ ଏହି ବୈଠକରେ ଦାବି କରାଯାଇଥିଲା।

ମିଳିଥିବା ଖବର ଅନୁଯାୟୀ, ଚିରାଗଙ୍କୁ ଦଳର ଅଧିକାଂଶ ନେତା ସମର୍ଥନ କରୁଥିବାର ଏକ ଶକ୍ତି ପ୍ରଦର୍ଶନ କରିବା ଏହି ବୈଠକର ମୁଖ୍ୟ ଉଦ୍ଦେଶ୍ୟ ଥିଲା। ବୈଠକ ପୂର୍ବରୁ ଚିରାଗଙ୍କ ଘର ବାହାରେ ଅନେକ ପୋଷ୍ଟର ଏବଂ ବ୍ୟାନର ଲଗାଯାଇ, “ହଁ, ଆମେ ଚିରାଗ ପାଶୱାନଙ୍କ ସାଥିରେ ଅଛି” ବୋଲି ଲେଖାଯାଇଥିଲା।

Read Moreଆଜିର ଖବର, ଜାତୀୟ ଖବର, ଚିରାଗ ପାଶୱାନ, ରାମବିଳାସ ପାଶୱାନ, ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ, ଲୋକ ଜନଶକ୍ତି ପାର୍ଟିThe Samikhsya Odia

Leave a Reply

Your email address will not be published. Required fields are marked *