କଂଗ୍ରେସରେ ବିଲୟ ହେଲା ପଞ୍ଜାବ ଏକତା ପାର୍ଟି , ନେତା କହିଲେ – ” ଆପ୍ ରେ ସାମିଲ୍ ହେବା ଏକ ଭୁଲ୍ ଥିଲା “

(ସତ୍ୟପାଠ ବ୍ୟୁରୋ) ଭୁବନେଶ୍ୱର : ଆସନ୍ତା ବର୍ଷ ହେବାକୁ ଥିବା ପଞ୍ଜାବ ବିଧାନସଭା ନିର୍ବାଚନ ପୂର୍ବରୁ ପଞ୍ଜାବରେ ରାଜନୈତିକ ଗତିବିଧି ବଢିବାରେ ଲାଗିଛି। ବିଏସପି ଶିରୋମଣୀ ଅକାଳୀ ଦଳ ସହ ଗଠଵନ୍ଧନ କରିବା ପରେ ଏବେ ପୂର୍ବତନ ଆପ୍ ନେତା ସୁଖପାଲ ସିଂ ଖେରାଙ୍କ ନେତୃତ୍ୱାଧୀନ ପଞ୍ଜାବ ଏକତା ପାର୍ଟି ଗୁରୁବାର ଦିନ କଂଗ୍ରେସ ସହ ବିଲୟ ହୋଇଛି। ପଞ୍ଜାବ ଏକତା ପାର୍ଟିର ନେତାମାନେ ଗୁରୁବାର ଦିନ ଦିଲ୍ଲୀରେ କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀଙ୍କୁ ଭେଟି ଏହି ଘୋଷଣା କରିଛନ୍ତି। ପଞ୍ଜାବ ବିଧାନସଭାରେ ପୂର୍ବତନ ବିରୋଧୀ ଦଳର ଶ୍ରୀ ଖୈରା କଂଗ୍ରେସରେ ଯୋଗଦେବା ପରେ କହିଛନ୍ତି ଯେ ଆମ୍ ଆଦମୀ ପାର୍ଟି ହେଉଛି ଏକ ‘ୱାନ୍ ମ୍ୟାନ୍ ଶୋ’ । ଏବଂ ୨୦୧୫ ରେ ଅରବିନ୍ଦ କେଜ୍ରିୱାଲଙ୍କ ନେତୃତ୍ୱାଧୀନ ଆମ୍ ଆଦମୀ ପାର୍ଟିରେ ଯୋଗଦେବା ପାଇଁ କଂଗ୍ରେସ ଛାଡ଼ିବା ତାଙ୍କର ଏକ ବିରାଟ ବଡ ଭୁଲ ଥିଲା । ଭୋଲଥରୁ ବିଧାୟକ ଥିବା ଶ୍ରୀ ଖୈରା, ଜଗଦେବ ସିଂ କମଲୁ (ବାଥୀଣ୍ଡା ଜିଲ୍ଲାର ମୌରରୁ ବିଧାୟକ) ଏବଂ ପୀରମଲ ସିଂ ଖଲସା (ବୀରଲା ଜିଲ୍ଲାର ଭାଦରରୁ ବିଧାୟକ) ରାହୁଲ ଗାନ୍ଧୀଙ୍କୁ ଭେଟି କଂଗ୍ରେସରେ ଆନୁଷ୍ଠାନିକ ଭାବେ ସାମିଲ ହୋଇଛନ୍ତି । ଏହି ଅବସରରେ ପଞ୍ଜାବ ଦାୟିତ୍ୱରେ ଥିବା ଅଲ ଇଣ୍ଡିଆ କଂଗ୍ରେସ କମିଟି (ଏଆଇସିସି) ର ସାଧାରଣ ସମ୍ପାଦକ ହରିଶ ରାୱତ ଏବଂ ଦଳର ମୁଖ୍ୟ ମୁଖପାତ୍ର ରଣଦୀପ ସୁରଜେୱାଲା ମଧ୍ୟ ଉପସ୍ଥିତ ଥିଲେ। ରାହୁଲ ଗାନ୍ଧୀଙ୍କୁ ଭେଟିବା ପରେ ଶ୍ରୀ ଖୈରା କହିଛନ୍ତି, “ଆମ୍ ଆଦମୀ ପାର୍ଟି ହେଉଛି ଏକ ୱାନ୍ ମ୍ୟାନ୍ ଶୋ’ ଏବଂ ପାର୍ଟିରେ ଅରବିନ୍ଦ କେଜ୍ରିୱାଲଙ୍କ ବ୍ୟତୀତ ଆଉ କାହାର ସ୍ଥାନ ନାହିଁ । ଖୈରା କହିଛନ୍ତି ଯେ ସେ ତାଙ୍କ ପୁରୁଣା ଦଳକୁ ପୁଣି ଥରେ ଫେରି ଆସିଛନ୍ତି । ସେ ଆମ୍ ଆଦମୀ ପାର୍ଟିକୁ ଏକ ଅଗଣତାନ୍ତ୍ରିକ ପାର୍ଟି ବୋଲି କହିଛନ୍ତି । ଖୈରା ଆହୁରି ମଧ୍ୟ ଅଭିଯୋଗ କରିଛନ୍ତି ଯେ ତାଙ୍କୁ ପଞ୍ଜାବ ବିଧାନସଭାରେ ବିରୋଧୀ ଦଳର ନେତା ପଦରୁ ଅଗଣତାନ୍ତ୍ରିକ ଭାବରେ ହଟାଇ ଦିଆଯାଇଛି। ତେଣୁ ଏହା ପରେ ସେ ପଞ୍ଜାବ ଏକତା ଦଳ ଗଠନ କରିଥିଲେ , ଯେଉଁଥିରେ ରାଜ୍ୟର ପ୍ରତ୍ୟେକ ଜିଲ୍ଲାରେ ତାଙ୍କର ୟୁନିଟ୍ ଥିବା ସେ ଦାବି କରିଥିଲେ । ସେ କହିଛନ୍ତି ଯେ କେଜ୍ରିୱାଲ ଆତ୍ମ ଲକ୍ଷ୍ୟ ହାସଲ କରିବା ପାଇଁ ପ୍ରୟାସ କରୁଛନ୍ତି । ଗତ ପଞ୍ଜାବ ବିଧାନସଭା ନିର୍ବାଚନରେ ​​AAP କୁ ସମର୍ଥନ କରିଥିବା ଅନେକ ଏନଆରଆଇ ଦଳକୁ ନେଇ ଅସନ୍ତୋଷ ପ୍ରକାଶ କରିଥିବା ସେ ଅଭିଯୋଗ କରିଛନ୍ତି। ଶ୍ରୀ ଖଇରା ଅଭିଯୋଗ କରିଛନ୍ତି ଯେ ଗତ ବିଧାନସଭା ନିର୍ବାଚନ ସମୟରେ ଏନଆରଆଇଙ୍କ ଠାରୁ ଦଳକୁ ମିଳିଥିବା ଆର୍ଥିକ ସହାୟତା ପଞ୍ଜାବର ଜନତାଙ୍କ ପାଖରେ ପହଞ୍ଚି ନଥିଲା।

The post କଂଗ୍ରେସରେ ବିଲୟ ହେଲା ପଞ୍ଜାବ ଏକତା ପାର୍ଟି , ନେତା କହିଲେ – ” ଆପ୍ ରେ ସାମିଲ୍ ହେବା ଏକ ଭୁଲ୍ ଥିଲା “ appeared first on Satya Patha.

Read Moreଜାତୀୟ, ରାଜନୀତି, aap, congress, Punjab Ekta Party, rahul gandhiSatya Patha

Leave a Reply

Your email address will not be published. Required fields are marked *