ସେରୋ ସର୍ଭେ ଟିମ୍ ଦେଖି ଲୋକେ ଜଙ୍ଗଲକୁ ପଳାଇଲେ

ରାୟଗଡାରେ ଆଜି ଠାରୁ ଆରମ୍ଭ ହୋଇଛି ସେରୋ ସର୍ଭେ । ଛଅ ବର୍ଷରୁ ଉର୍ଦ୍ଧ୍ୱ ଶିଶୁଙ୍କ ସମେତ ବୟଷ୍କ ବ୍ୟକ୍ତିଙ୍କ ଠାରୁ ସଂଗ୍ରହ ହେବ ନମୁନା । ଏଥି ପାଇଁ ଏକ ୯ ଜଣିଆ ଟିମ ରାୟଗଡାରେ ପହଚିଂ ଆଜି ଜୁରୁଡି ଗ୍ରାମକୁ ଯାଇଥିଲେ । ହେଲେ ସେଠାରେ ଜୁରୁଡି ଗ୍ରାମବାସୀ ରକ୍ତ ନମୁନା ଦେବାକୁ ଆସିବା ପରିବର୍ତେ ଘରେ ଚାବି ପକାଇ ଜଙ୍ଗଲକୁ ଯାଇ ଲୁଛି ଥିବାର ଦେଖିବାକୁ ମିଳିଥିଲା ।

ଶିଶୁଙ୍କ ସ୍ୱାସ୍ଥ୍ୟରେ ମହାମାରିକୁ ପ୍ରତିରୋଧ ନିମନ୍ତେ ଆଣ୍ଟିବଡି କିଭଳି ରହିଛି ସେନେଇ ଅଖିଳ ଭାରତିୟ ଚିକିତ୍ସା ଅନୁସନ୍ଧାନ ପରିଷଦ( ଆଇସିଏମ୍‌ଆର୍‌) ପକ୍ଷରୁ କରାଯାଇଥିବା ତାଲିକାରେ ରାୟଗଡା ଜିଲ୍ଲା ସାମିଲ ହୋଇଥିଲା । ଭୁବନେଶ୍ୱର ସ୍ଥିତ ଆଇସିଏମ୍‌ଆର୍ ଶାଖା ଆଚଂଳିକମେଡିକାଲ ରିସର୍ଚ କେନ୍ଦ୍ର ପକ୍ଷରୁ ରାୟଗଡା ଜିଲ୍ଲାରେ ୧୦ ଗୋଟି କ୍ଲଷ୍ଟରରେ ଏହି ସେରୋ ସର୍ଭେ କାର୍ଯକ୍ରମ ଆୟୋଜନ କରାଯାଇଛି । ଆଜି ଏହି ଟିମ ରାୟଗଡା ବ୍ଲକ ବାଇସିଙ୍ଗ ପଚାଂୟତ ଜୁରୁଡି ଗାଁରେ ରକ୍ତ ନମୁନା ସଂଗ୍ରହ ନିମନ୍ତେ ପହଞ୍ଚିଥିଲେ । ହେଲେ ସେଠାରେ ଗ୍ରାମବାସୀ ମାନେ ରକ୍ତ ନମୁନା ଦେବାକୁ ଆସିବା ପରିବର୍ତେ ଘର ଚାବି ପକାଇ ନିକଟସ୍ଥ ଜଙ୍ଗତଲକୁ ଚାଲି ଯାଇ ଲୁଚିଥିଲେ ।

କାରଣ ପଚାରିବାରୁ ଘ୍ରାମବାସୀ ମାନେ କହିଥିଲେ ଯେ ଟିକା ନେଲେ ଲୋକେ ମରିଯାଉଛନ୍ତି । ତେଣୁ ଆମେ ଟିକା ନେବୁ ନାଇଁ ବୋଲି ଗ୍ରାମବାସୀମାନେ ପ୍ରକାଶ କରିଛନ୍ତି । ଆଜି ଟିକା ଦିଆହବନି କେବଳ ରକ୍ତ ନମୁନା ନିଅଯିବା ବୋଲି ଯେତେ ବୁଝାଇଥିଲେ ମଧ୍ୟ ସେମାନେ ଶୁଣି ନଥିଲେ । ସଚେତନତାର ଅଭାବ ଯୋଗୁଁ ଗ୍ରାମାଚଂଳର ଆଦିବାସୀମାନେ ମାନିବାକୁ ନାରାଜ । ଆମେ ଟିକା ନେଇ ମରିବୁ କାହିଁକି ବୋଲି ଓଲଟି ପ୍ରଶ୍ନ କରିଛନ୍ତି । ସ୍ୱାସ୍ଥ୍ୟକର୍ମୀ,ଅଙ୍ଗନବାଡି ଦିଦି ଓ ଆଶାଦିଦି ପକ୍ଷରୁ ଲୋକଙ୍କୁ ବୁଝାଇବାକୁ ଚେଷ୍ଟା କରିଥିଲେ ମଧ୍ୟ ଗ୍ରାମବାସୀ ମାନେ ମାନିବାକୁ ନାରାଜ । ଆସୁଛୁ ବୋଲି କହି ଘରର ଚାବି ପକାଇ ପିଲାଛୁଆ ଧରି ସପରିବାର ନିକଟସ୍ଥ ଜଙ୍ଗଲକୁ ଯାଇ ଲୁଚିଥିବାର ଦେବାକୁ ମିଲିଥିଲା । କେବଳ ଗ୍ରାମର ୫ ଜଣଙ୍କର ରକ୍ତ ନମୁନା ସଙ୍ଗ୍ରହ କରିବାରେ ସକ୍ଷମ ହୋଇଥିଲା ବିଶେଷଙ୍ଗ୍ୟ ଟିମ ।

The post ସେରୋ ସର୍ଭେ ଟିମ୍ ଦେଖି ଲୋକେ ଜଙ୍ଗଲକୁ ପଳାଇଲେ appeared first on TakshakTV.

Read MoreBig Story, Health, Odisha, Trending News, jurudi village, sero survey in rayagada, villagers denied to testTakshakTV

Leave a Reply

Your email address will not be published. Required fields are marked *