ସିବିଏସଇ ପରେ ଆଇସିଏସଇ ମଧ୍ୟ କହିଲା: ଜୁଲାଇ ୩୧ ସୁଦ୍ଧା ଘୋଷଣା ହେବ ଦ୍ଵାଦଶ ପରୀକ୍ଷା ଫଳ

ନୂଆଦିଲ୍ଲୀ: ସୁପ୍ରିମକୋର୍ଟଙ୍କୁ ସିବିଏସଇ ବୋର୍ଡ ଅବଗତ କରାଇବା ପରେ କାଉନ୍ସିଲ ଫର ଦ ଇଣ୍ଡିଆନ ସ୍କୁଲ ସାର୍ଟିଫିକେଟ ଏକ୍ଜାମିନେସନ ମଧ୍ୟ ଦ୍ଵାଦଶ ପରୀକ୍ଷା ଫଳ ନେଇ ଘୋଷଣା କରିଛି। ଜୁଲାଇ ୩୧ ତାରିଖ ସୁଦ୍ଧା ଦ୍ଵାଦଶ ପରୀକ୍ଷା ଫଳ ପ୍ରକାଶ ହେବ ବୋଲି ସିଆଇଏସସିଇ ଘୋଷଣା କରିଛି। ଦ୍ଵାଦଶ ପରୀକ୍ଷା ଫଳ ଜୁଲାଇ ୨୦ ତାରିଖ ବଦଳରେ ଜୁଲାଇ ୩୧ ତାରିଖ ପୂର୍ବରୁ ଘୋଷଣା ହେବ ବୋଲି ଆଇସିଏସଇ ଘୋଷଣା କରିଛି। ଦ୍ଵାଦଶ ପରୀକ୍ଷା ଫଳ ସହ ଏକାଦଶର ଇଣ୍ଟରନାଲ ମାର୍କ୍ସ ଆଧାରରେ ଏହି ପରୀକ୍ଷା ଫଳ ନିର୍ଣ୍ଣୟ କରାଯିବ।

ଉଲ୍ଲେଖ ଯୋଗ୍ୟ ଯେ, ଆଜି ସୁପ୍ରିମକୋର୍ଟଙ୍କୁ ସିବିଏସଇ ବୋର୍ଡ ଦ୍ଵାଦଶ ପରୀକ୍ଷା ଫଳ ଜୁଲାଇ ୩୧ ତାରିଖ ସୁଦ୍ଧା ପ୍ରକାଶ ପାଇବ ବୋଲି ଅବଗତ କରିଥିଲା। ଏନେଇ ସୁପ୍ରିମକୋର୍ଟଙ୍କ ସମ୍ମୁଖରେ ବୋର୍ଡ ଏକ ଫର୍ମୁଲା ଉପସ୍ଥାପନ କରିଛି। ଦଶମ ଏବଂ ଏକାଦଶ ପରୀକ୍ଷା ଆଧାରରେ ପରୀକ୍ଷା ଫଳ ପ୍ରକାଶ ହେବ। ମୂଲ୍ୟାୟନ ସମୟରେ ଦଶମ ଏବଂ ଏକାଦଶ ପରୀକ୍ଷା ଫଳର ୩୦ ପ୍ରତିଶତ ନମ୍ବରକୁ ବିଚାର କରାଯିବାକୁ ଥିବା ବେଳେ ଦ୍ଵାଦଶର ପ୍ରି-ବୋର୍ଡ ପରୀକ୍ଷାର ୪୦ ପ୍ରତିଶତ ନମ୍ବରକୁ ବିଚାରକୁ ନିଆଯିବ। ଏନେଇ ସୁପ୍ରିମକୋର୍ଟଙ୍କୁ ସିବିଏସଇ ବୋର୍ଡ ଅବଗତ କରାଇଛି।

Read Moreଆଜିର ଖବର, ଜାତୀୟ ଖବର, ରାଜ୍ୟ ଖବର, ଆଇସିଏସଇ, ଦ୍ଵାଦଶ ପରୀକ୍ଷା ଫଳ, ସିବିଏସଇThe Samikhsya Odia

Leave a Reply

Your email address will not be published. Required fields are marked *