କୁଆଡେ ଗଲେ ମୁକେଶ – ମହେଶ୍ୱର ? ପାଲଲହଡାରେ ରାସ୍ତା ନଥିବାରୁ ଦେଢ କିଲୋମିଟର ଖଟିଆରେ ବୁହା ହେଲେ ରୋଗୀ

(ସତ୍ୟପାଠ ବ୍ୟୁରୋ) ଭୁବନେଶ୍ୱର : ଗତ କିଛିଦିନ ତଳେ ପାଲଲହଡ଼ାରେ କୋଭିଡ୍ କେୟାର ସେଣ୍ଟର ଉଦ୍‌ଘାଟନକୁ ନେଇ ବିଜେଡି ସାଂସଦ ମହେଶ ସାହୁ ଓ ପାଲଲହଡ଼ା ବିଧାୟକ ମୁକେଶ ପାଲ ପରସ୍ପର ପ୍ରତି ଅଶ୍ରାବ୍ୟ ଭାଷା ପ୍ରୟୋଗ କରିଥିଲେ । ଆଜି ପାଲଲହଡ଼ା ଅଞ୍ଚଳରେ ଗାଁ କୁ ରାସ୍ତା ନଥିବାରୁ ରୋଗୀଙ୍କୁ ଦେଢ କିଲୋମିଟର ଖଟିଆରେ ବୁହା ହେବାର ଚିତ୍ର ସାମ୍ନାକୁ ଆସିଛି। କିନ୍ତୁ ଏଭଳି ବିଚଳିତ କଲା ଭଳି ଚିତ୍ର ସାମ୍ନାକୁ ଆସିବା ପରେ ଉଭୟ ସାସଂଦ ଏବଂ ବିଧାୟକ ଏବେ ନୀରବ। ପାଳଲହଡା ଅଞ୍ଚଳରେ ଗାଁ କୁ ରାସ୍ତା ନଥିବାରୁ ଆମ୍ବୁଲାନ୍ସ ପହଞ୍ଚି ପାରିଲାନି। ଫଳରେ ଖଟିଆରେ ଦେଢ କିଲୋମିଟର ବୁହା ହୋଇଛନ୍ତି ରୋଗୀ । ଏମିତି ଏକ ବିଚଳିତ କଲା ଭଳି ଚିତ୍ର ସାମ୍ନାକୁ ଆସିଛି ପାଳଲହଡା ଟାଉନ ଠାରୁ ମାତ୍ର ଦୁଇ କିଲୋମିଟର ଦୂରରେ ଥିବା ଗାଁ ଆଦିବାସୀ ଭୋଜପୁରରୁ ।

ସୂଚନା ମୁତାବକ ଅନୁଗୁଳ ଜିଲ୍ଲା  ପାଳଲହଡା ବ୍ଲକ ନିଜିଗଡ଼ ପଞ୍ଚାୟତ ଅନ୍ତର୍ଗତ ଟାଉନ ଠାରୁ ମାତ୍ର ଦୁଇ କିଲୋମିଟର ଦୁର ଭୋଜପୁର ଆଦିବାସୀ ସାହିର ଜଣେ ଷାଠିଏ ବର୍ଷିୟ ବୃଦ୍ଧା ସୁନ୍ଧୁ ବାରିଜ ଗତକାଲି ଖସିପଡି ଅସୁସ୍ଥ ହୋଇ ପଡିବାରୁ ଆଜି ସକାଳ ଦଶଟା ସମୟରେ ଚିକିତ୍ସା ପାଇଁ ୧୦୮ ଆମ୍ବୁଲାନ୍ସ ଯୋଗେ ଡାକ୍ତରଖାନାରେ ଅଣା ଯାଇଥିଲା । ତେବେ ଏହି  ଆଦିବାସୀ ଗାଁ କୁ ରାସ୍ତା ନଥିବା ଓ ବର୍ଷା ଯୋଗୁଁ କାଦୁଅ ହୋଇ ଯାଇଥିବାରୁ ଦେଢ କିଲୋମିଟର ଦୂରରେ ଆମ୍ବୁଲାନ୍ସ ଅଟକି ରହିଥିଲା । ତେଣୁ ବୃଦ୍ଧାଙ୍କ ସମ୍ପର୍କୀୟ ମାନେ ଦଶରୁ ପନ୍ଦର ଜଣ ଗାଁ ଲୋକଙ୍କ ସହାୟତାରେ ଏକ ଖଟିଆରେ ବୁହା ହୋଇ ଆମ୍ବୁଲାନ୍ସ ନିକଟକୁ ଆଣାଯାଇ ଡାକ୍ତରଖାନା ପଠା ଯାଇଥିଲା । 

The post କୁଆଡେ ଗଲେ ମୁକେଶ – ମହେଶ୍ୱର ? ପାଲଲହଡାରେ ରାସ୍ତା ନଥିବାରୁ ଦେଢ କିଲୋମିଟର ଖଟିଆରେ ବୁହା ହେଲେ ରୋଗୀ appeared first on Satya Patha.

Read Moreରାଜନୀତି, ରାଜ୍ୟ, Mahesh Sahoo, Mukesh Pal, PallahadaSatya Patha

Leave a Reply

Your email address will not be published. Required fields are marked *