ସୁରକ୍ଷା କର୍ମିଙ୍କ ଏନକାଉଣ୍ଟରରେ ମଲା ଦୁର୍ଦ୍ଧାନ୍ତ ମାଓ ନେତା ରବିନ୍ଦ୍ର, 10ଟି ହତ୍ୟାକାଣ୍ଡରେ ଥିଲା ସଂପୃକ୍ତି

ବରଗଡ, ଶୁକ୍ରବାର ଭୋରରୁ ଛତିଶଗଡ ସୀମାରେ ଥିବା ଝାଞ୍ଜି ସଂରକ୍ଷଣ ଜଙ୍ଗଲରେ ମାଓବାଦୀ ଏବଂ ସୁରକ୍ଷା କର୍ମିଙ୍କ ଗୁଳି ବିନିମୟରେ ଜଣେ ଦୁର୍ଦ୍ଧାନ୍ତ ମାଓ ନେତା ନିହତ ହୋଇଛି। ତାହାର ନାମ ହେଲା ରବିନ୍ଦ୍ର। ସେ ଛତିଶଗଡ ମାଓ ସଂଗଠନର ଡିସିଏମ ରାଙ୍କରେ କାମ କରୁଥିଲା। ରବିନ୍ଦ୍ର ନାମରେ 10ଟି ହତ୍ୟାକାଣ୍ଡ ମାମଲା ରହିଛି। ସେଥି ମଧ୍ୟରୁ ବରଗଡ ଥାନାରେ 4ଟି ଏବଂ ବଲାଙ୍ଗିରରେ 6ଟି ହତ୍ୟାକାଣ୍ଡରେ ତାହାର ପ୍ରତ୍ୟେକ୍ଷ ସଂପୃକ୍ତି ରହିଛି।

ମାଓ ଅପରେସନରେ ନିଯୁକ୍ତ ସୁରକ୍ଷା କର୍ମିମାନେ ଶୁକ୍ରବାର ଭୋର 6ଟା 45 ମିନିଟରେ ଏହି ମିଳିତ କମ୍ବିଂ କରିଥିଲେ। ଏଥିରେ 40 ଜଣ ଏସଓଜି, ଡିଭିଏଫର 33 ଜଣ କମାଣ୍ଡୋ ସାମିଲ ଥିଲେ। ସେହି ଜଙ୍ଗଲରେ ପ୍ରାୟ 15ରୁ 20 ଜଣ ମାଓବାଦୀ ଲୁଚିଥିବାର ପୋଲିସ ପାଖରେ ସୂଚନା ରହିଥିଲା। ସେହି ଆଧାରରେ ଭୋରରୁ ଏହି ଅପରେସନ ଆରମ୍ଭ କରାଯାଇଥିଲା।

ମାଓବାଦୀଙ୍କ ଆଶ୍ରୟ ସ୍ଥଳ ପାଖାପାଖି ହେବା ବେଳେ ହଠାତ ସେମାନେ ଗତିବିଧି ଜାଣି ପାଲଟା ଆକ୍ରମଣ ଆରମ୍ଭ କରିଥିଲେ। ଏଥିସହିତ ମାଓ ସ୍ଲୋଗାନ ଦେବା ଆରମ୍ଭ କରିଥିଲେ। ଏହି ସମୟରେ ସୁରକ୍ଷା ବାହିନୀ ଚାରିପଟୁ ଘେରିଯାଇଥିଲେ। ପ୍ରାୟ 30 ମିନିଟ ଧରି ଗୁଲିବିନିୟ ଚାଲିଥିଲା। ଏଥିରେ ଦୁର୍ଦ୍ଧାନ୍ତ ରବିନ୍ଦ୍ର ମୃତ୍ୟ ବରଣ କରିଥିଲା।

ରବିନ୍ଦ୍ର ପାଖରୁ ଏକ ଏକେ-47 ଜବତ କରାଯାଇଛି। ଏଥିସହିତ 9 ରାଉଣ୍ଡ ଗୁଳି ,ସୋଲାର ଲାଇଟ ଓ ଚୁଲା, ରନ୍ଧା ସାମଗ୍ରୀ, ଇଲେଟ୍ରିକ ଡେଟିନେଟର ସହ ବହୁ ସାମଗ୍ରୀ ଜବତ କରାଯାଇଛି ବୋଲି ବରଗଡ ପୋଲିସ କହିଛି।

Read Moreଅପରାଧ, ଜାତୀୟ ଖବର, ବିଶେଷ ଖବର, ରାଜ୍ୟ ଖବର, ନକ୍ସଲ, ନକ୍ସଲ ଆକ୍ରମଣ, ମାଓ ଅପରେସନ, ମାଓ ନେତା ରବିନ୍ଦ୍ର, ମାଓବାଦୀThe Samikhsya Odia

Leave a Reply

Your email address will not be published. Required fields are marked *