କ୍ରୀଡ଼ାର ବିକାଶ ପାଇଁ ନିର୍ବାଚନୀ ନାରା ‘ଖେଲା ହୋବେ’ କୁ ସରକାରୀ ଯୋଜନା କଲେ ବେଙ୍ଗଲ ସରକାର

(ସତ୍ୟପାଠ ବ୍ୟୁରୋ) ଭୁବନେଶ୍ୱର : ପଶ୍ଚିମବଙ୍ଗ ବିଧାନସଭା ନିର୍ବାଚନରେ ସବୁଠାରୁ ଅଧିକ ଲୋକପ୍ରିୟ ହୋଇଥିଲା ଟିଏମସିର ନିର୍ବାଚନୀ ସ୍ଲୋଗାନ ‘ଖେଲା ହୋବେ’ । ଟିଏମସିର ଏହି ନାରା ମାଧ୍ୟମରେ ଟିଏମସି ବେଙ୍ଗଲ ବିଧାନସଭା ନିର୍ବାଚନରେ ମାହୋଲ ସୃଷ୍ଟି କରିବାରେ ସଫଳ ହୋଇଥିଲା। ନିର୍ବାଚନ ସମୟରେ ଉଭୟ ଟିଏମସି ଓ ବିଜେପିର ବଡ ବଡ ନେତାଙ୍କ ଭାଷଣରେ ଏହି ଡାଇଲଗ ଖୁବ୍ ଶୁଣିବାକୁ ମିଳୁଥିଲା। ଟିଏମସିର ଖେଲା ହବେ ନାରା ଏତେ ଲୋକପ୍ରିୟ ହୋଇଥିଲା ଯେ ଏହାର କାଉଣ୍ଟର କରିବା ପାଇଁ ଖୋଦ୍ ପ୍ରଧାନମନ୍ତ୍ରୀ ମୋଦି ଖେଲ ଖତମ୍ ନାରା ଦେଇଥିଲେ । ନିର୍ବାଚନ ସରିଲା, ଭୋଟ ଫଳାଫଳ ବି ପ୍ରକାଶ ପାଇଲା । ଖେଲା ହୋବେ ନାରା ଦେଇ ଟିଏମସି ନିର୍ବାଚନରେ ବିଜୟୀ ମଧ୍ୟ ହେଲା। ଏହି ନାରାକୁ ଜୀବିତ ରଖିବାକୁ ଯାଇ ମମତା ବାନାର୍ଜୀ ଏବେ ଖେଲା ହବେ ନାମରେ ଏକ ଯୋଜନା ପ୍ରସ୍ତୁତ କରିଛନ୍ତି । ଏହି ଯୋଜନା ମାଧ୍ୟମରେ ବେଙ୍ଗଲରେ କ୍ରୀଡାର ବିକାଶ ଏବଂ କ୍ରୀଡାବିତଙ୍କୁ ପ୍ରୋତ୍ସାହିତ କରାଯିବ। ଏହି ଯୋଜନା ଅଧିନରେ ପଞ୍ଜୀକୃତ କ୍ଲବକୁ ଫୁଟବଲ୍ ଦିଆଯିବ ।

ଜୁଲାଇ ପ୍ରଥମ ସପ୍ତାହ ସୁଦ୍ଧା ସମସ୍ତ ପଞ୍ଜୀକୃତ କ୍ଲବଗୁଡିକୁ ଫୁଟବଲ୍ ଦିଆଯିବ । ଜିଲ୍ଲା ଯୁବ ଅଧିକାରୀମାନଙ୍କୁ ଜୁନ୍ 28 ସୁଦ୍ଧା ବ୍ଲକ ଏବଂ ପୌରସଂସ୍ଥାଗୁଡ଼ିକରେ ପଞ୍ଜୀକୃତ କ୍ଲବଗୁଡିକର ତାଲିକା ପ୍ରସ୍ତୁତ କରିବାକୁ କୁହାଯାଇଛି।ଆଦେଶରେ କୁହାଯାଇଛି, ଫୁଟବଲ୍ ନିର୍ମାଣକାରୀ କମ୍ପାନୀ ରିଫ୍ୟୁଜି ହ୍ୟାଣ୍ଡିକ୍ରାଫ୍ଟ ସରକାରଙ୍କୁ ଏହି ଯୋଜନା ପାଇଁ ଫୁଟବଲ୍ ଯୋଗାଣ କରିବ । ମୁଖ୍ୟମନ୍ତ୍ରୀ ମମତା ବାନାର୍ଜୀ ନିର୍ବାଚନୀ ପ୍ରଚାର କ୍ୟାମ୍ପନିଂ ସମୟରେ ଜଙ୍ଗଲମହଲ ଏବଂ ସୁନ୍ଦରବନ୍ ଅଞ୍ଚଳରେ ଏକ ଫୁଟବଲ ଟୁର୍ନାମେଣ୍ଟର ଉଦଘାଟନ କରିଥିଲେ ଏବଂ ବିଜେତା ଦଳର ସଦସ୍ୟମାନଙ୍କୁ ନାଗରିକ ସ୍ୱେଚ୍ଛାସେବୀ କିମ୍ବା ଜୁନିଅର କନଷ୍ଟେବଳ ଭାବେ ନିୟୋଜିତ କରିଥିଲେ । ଏହି ସମୟରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଘୋଷଣା କରିଥିଲେ ଯେ ରାଜ୍ୟ ସରକାର କ୍ଲବଗୁଡିକରେ ଜୋଇ ବ୍ରାଣ୍ଡର ୫୦ ହଜାର ଫୁଟବଲ୍ ବଣ୍ଟନ କରିବେ । ଏହାଦ୍ୱାରା ଖେଳାଳୀ ମାନେ ଖେଳରେ ଉନ୍ନତି କରିବେ ବୋଲି କୁହାଯାଇଛି ।

The post କ୍ରୀଡ଼ାର ବିକାଶ ପାଇଁ ନିର୍ବାଚନୀ ନାରା ‘ଖେଲା ହୋବେ’ କୁ ସରକାରୀ ଯୋଜନା କଲେ ବେଙ୍ଗଲ ସରକାର appeared first on Satya Patha.

Read Moreଜାତୀୟ, ରାଜନୀତି, Football, Khela habe, Mamata Banerjee, tmcSatya Patha

Leave a Reply

Your email address will not be published. Required fields are marked *