ବିଜେପିରେ ଯୋଗଦେଲେ କଂଗ୍ରେସ ନେତା ଜିତିନ ପ୍ରସାଦ

ପୂର୍ବତନ କେନ୍ଦ୍ରମନ୍ତ୍ରୀ ତଥା କଂଗ୍ରେସ ନେତା ଜିତିନ ପ୍ରସାଦ ବିଜେପିରେ ଯୋଗ ଦେଇଛନ୍ତି । ମନମୋହନ ସିଂହଙ୍କ ମନ୍ତ୍ରୀମଣ୍ଡଳରେ ସେ ମାନବ ସମ୍ବଳ ବିକାଶ ରାଷ୍ଟ୍ରମନ୍ତ୍ରୀ ଥିଲେ । ଦିବଙ୍ଗତ ବରିଷ୍ଠ କଂଗ୍ରେସ ନେତା ଜିତେନ୍ଦ୍ର ପ୍ରସାଦଙ୍କ ପୁଅ ହେଉଛନ୍ତି ଜିତିନ ପ୍ରସାଦ । ଜିତେନ୍ଦ୍ର ପ୍ରସାଦ ପୂର୍ବତନ ପ୍ରଧାନମନ୍ତ୍ରୀ ରାଜିବ ଗାନ୍ଧୀ ଓ ପି. ଭି. ନରସିଂହରାଓଙ୍କ ପରାମର୍ଶଦାତା ଥିଲେ । ବିଜେପି କାର୍ଯ୍ୟାଳୟରେ ଆୟୋଜିତ ଏକ ସଭାରେ ଜିତିନ ଆନୁଷ୍ଠାନିକ ଭାବେ ଯୋଗ ଦେବା ପରେ ତାଙ୍କୁ ବିଜେପି ପକ୍ଷରୁ ସ୍ବାଗତ କରାଯାଇଛି ।

ତେବେ ଜିତିନଙ୍କ ବିଜେପିରେ ଯୋଗଦାନ କଂଗ୍ରେସକୁ ଶକ୍ତ ଧକ୍କା । ରାହୁଲ ଗାନ୍ଧୀଙ୍କ ଖୁବ୍ ନିକଟତର ଥିବା ଜିତିନଙ୍କ ତିନି ପୁରୁଷ କଂଗ୍ରେସ ସହ ସଂପୃକ୍ତ ଥିଲେ । ମାତ୍ର କଂଗ୍ରେସ ପରିଚାଳନା ନେଇ ସେ ଅସନ୍ତୁଷ୍ଟ ଥିଲେ । କଂଗ୍ରେସରେ ସାଙ୍ଗଠନିକ ପରିବର୍ତ୍ତନ କରିବା ପାଇଁ ସୋନିଆ ଗାନ୍ଧୀଙ୍କୁ ଚିଠି ଲେଖିଥିବା 23 ଜଣ ନେତାଙ୍କ ମଧ୍ୟରେ ଜିତିନ ଥିଲେ । ନିକଟରେ ଶେଷ ହୋଇଥିବା ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ ଦଳ ପକ୍ଷରୁ ତାଙ୍କୁ ଦାୟିତ୍ବ ଦିଆଯାଇଥିଲା ।

ଉତ୍ତର ପ୍ରଦେଶର ବ୍ରାହ୍ମଣ ସଂପ୍ରଦାୟରୁ ପ୍ରତିନିଧିତ୍ବ କରୁଥିବା ଜିତିନ ପ୍ରସାଦ ବିଜେପିରେ ଯୋଗ ଦେବା ପରେ କହିଛନ୍ତି, ବିଜେପି ହେଉଛି ପ୍ରକୃତ ରାଷ୍ଟ୍ରୀୟ ଦଳ । ଏହା ବ୍ୟକ୍ତିକୈନ୍ଦ୍ରିକ ନୁହେଁ । ଆସନ୍ତାବର୍ଷ ଉତ୍ତରପ୍ରଦେଶରେ ବିଧାନସଭା ନିର୍ବାଚନ ହେବାକୁ ଥିବାବେଳେ ଜିତିନଙ୍କ ଯୋଗଦାନ ବିଜେପି ପାଇଁ ଲାଭଦାୟକ ହୋଇଛି । ଅନ୍ୟପକ୍ଷରେ କଂଗ୍ରେସରେ ଦଳୀୟ ପରିଚାଳନାରେ ଅସନ୍ତୋଷ ପ୍ରକାଶ କରି ଜଣକ ପରେ ଜଣେ ନେତା ଦଳ ଛାଡିବା ରାହୁଲଙ୍କ ପାଇଁ ଚିନ୍ତାର କାରଣ ହୋଇଛି ।

The post ବିଜେପିରେ ଯୋଗଦେଲେ କଂଗ୍ରେସ ନେତା ଜିତିନ ପ୍ରସାଦ appeared first on TakshakTV.

Read MoreBig Story, Politics, Trending News, congress leader join in bjp, former union minister in bjp, jitin prasadTakshakTV

Leave a Reply

Your email address will not be published. Required fields are marked *