ଉତ୍ତରପ୍ରଦେଶ ନିର୍ବାଚନ ପୂର୍ବରୁ କଂଗ୍ରେସକୁ ଝଟକା: ବିଜେପିରେ ସାମିଲ ହେଲେ ଜିତିନ୍ ପ୍ରସାଦ

ନୂଆଦିଲ୍ଲୀ: ପୂର୍ବତନ କେନ୍ଦ୍ର ମନ୍ତ୍ରୀ ତଥା ରାହୁଲ ଗାନ୍ଧୀଙ୍କ ବିଶ୍ଵସ୍ତ କୁହାଯାଉଥିବା କଂଗ୍ରେସ ନେତା ଜିତିନ୍ ପ୍ରସାଦ ବିଜେପିରେ ସାମିଲ ହୋଇଛନ୍ତି। ବିଜେପି ମୁଖ୍ୟାଳୟରେ ଜିତିନ୍ ଦଳର ସଦସ୍ୟତା ଗ୍ରହଣ କରିଛନ୍ତି।

ଆସନ୍ତା ଉତ୍ତରପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ଜିତିନଙ୍କ ବିଜେପିରେ ସାମିଲ ହେବା କଂଗ୍ରେସ ପାଇଁ ବଡ ଝଟକା ବୋଲି କୁହାଯାଉଛି। କଂଗ୍ରେସରେ ୨୦ ବର୍ଷ ପର୍ଯ୍ୟନ୍ତ କାର୍ଯ୍ୟ କରିଥିବା ଜିତିନ୍ ପ୍ରସାଦଙ୍କ ଅସନ୍ତୋଷ କାହାକୁ ଅଜଣା ନଥିଲା। ଜି-୨୩ ତଥା କଂଗ୍ରେସର ପରିବର୍ତ୍ତନ ଚାହୁଁଥିବା ୨୩ ଜଣ ବରିଷ୍ଠ ନେତାଙ୍କ ମଧ୍ୟରେ ସେ ସାମିଲ ଥିଲେ। ପୂର୍ବରୁ ଏହି ଜି-୨୩ ନେତା ଦଳରେ ବ୍ୟାପକ ପରିବର୍ତ୍ତନ ପାଇଁ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ଚିଠି ଲେଖିଥିଲେ। ଜିତିନଙ୍କୁ ପଶ୍ଚିମବଙ୍ଗ ନିର୍ବାଚନରେ ଦଳ ଦାୟିତ୍ଵ ଦେଇଥିଲେ ମଧ୍ୟ ସେ ସନ୍ତୋଷ ବ୍ୟକ୍ତ କରିନଥିଲେ। ଇଣ୍ଡିଆନ ସେକୁଲାର ଫ୍ରଣ୍ଟ ମେଣ୍ଟକୁ ନେଇ ସେ କଂଗ୍ରେସକୁ ସମାଲୋଚନା କରିଥିଲେ।

Read Moreଆଜିର ଖବର, ଜାତୀୟ ଖବର, ଉତ୍ତରପ୍ରଦେଶ, ଜିତିନ୍ ପ୍ରସାଦ, ବିଜେପିରେ ସାମିଲThe Samikhsya Odia

Leave a Reply

Your email address will not be published. Required fields are marked *