ନୂତନ ଚାଷୀ ଆଇନ ବିରୁଦ୍ଧରେ ଆନ୍ଦୋଳନକୁ ଜୋରଦାର କରିବା ପାଇଁ ଆଜି ମମତାଙ୍କୁ ଭେଟିବେ ରାକେଶ ଟିକାଇଟ୍

(ସତ୍ୟପାଠ ବ୍ୟୁରୋ) ଭୁବନେଶ୍ୱର: ଦେଶରେ କୃଷି ଆଇନ ବିରୁଦ୍ଧରେ ଆନ୍ଦୋଳନକୁ ଜୋରଦାର କରିବାକୁ ଭାରତ କିସାନ ୟୁନିଅନର ନେତା ରାକେଶ ଟିକାଇଟ ଯୋଜନା କରୁଛନ୍ତି | ଇତିମଧ୍ୟରେ କୃଷକ ନେତା ରାକେଶ ଟିକାଇଟ୍ ଆଜି ମମତା ବାନାର୍ଜୀଙ୍କୁ ଭେଟିବେ ବୋଲି ସୂଚନା ମିଳିଛି । କେନ୍ଦ୍ର ସରକାରଙ୍କ ନୂତନ କୃଷି ଆଇ ନ ବିରୁଦ୍ଧରେ ଭାରତ କିସାନ ୟୁନିଅନର ନେତା ରାକେଶ ଟିକାଇଟ ଗତ ବର୍ଷ ନଭେମ୍ବର ଠାରୁ ଦିଲ୍ଲୀ ସୀମା ନିକଟରେ ଏହାର ବିରୋଧ ପ୍ରଦର୍ଶନ କରିଆସୁଛନ୍ତି । ବାରମ୍ବାର ଏନେଇ କେନ୍ଦ୍ରସରକାରଙ୍କ ସହ ଆଲୋଚନା କରିବା ସତ୍ତ୍ୱେ କୌଣସି ନିଷ୍କର୍ଷ ବାହାରି ପାରୁନାହିଁ । ତେଣୁ ଏହି ଆନ୍ଦୋଳନକୁ ପୁଣି ଥରେ ଏକ ବଡ଼ ଆନ୍ଦୋଳନରେ ପରିଣତ କରିବା ପାଇଁ ରାକେଶ ଟିକାଇଟ୍ ପଶ୍ଚିମବଙ୍ଗ ଗସ୍ତ କରିଛନ୍ତି । ତେବେ ରାକେଶ ଟିକାଇଟ୍ ନନ୍ଦିଗ୍ରାମ ପରିଦର୍ଶନ କରିବା ମଧ୍ୟ ସୂଚନା ମିଳିଛି । ଅପରୀପକ୍ଷେ କେନ୍ଦ୍ର ସରକାର ଭାରତକୁ ବଡ କମ୍ପାନୀଗୁଡିକ ପାଇଁ ରାସ୍ତା ପ୍ରସ୍ତୁତ କରୁଛନ୍ତି । ଯାହାଫଳରେ କ୍ଷୁଦ୍ର କୃଷକ ଏବଂ ମତ୍ସ୍ୟଜୀବୀଙ୍କ ପାଖରେ ଆତ୍ମହତ୍ୟା ଛଡା ଆଉ କିଛି ଉପାୟ ନଥିବ ବୋଲି ବିଭିନ୍ନ କୃଷକ ଗୋଷ୍ଠୀ ଦାବି କରିଛନ୍ତି । ତେବେ ଶହ ଶହ ବିକ୍ଷୋଭକାରୀ ଗତ ବର୍ଷ ନଭେମ୍ବରରୁ ନୂତନ ଚାଷୀ ଆଇନ ବିରୁଦ୍ଧରେ ବିରୋଧ କରି ଜାତୀୟ ରାଜଧାନୀ ଦିଲ୍ଲୀ ନିକଟରେ କ୍ୟାମ୍ପ କରିଥିଲେ। କିନ୍ତୁ ବର୍ତ୍ତମାନ ସ୍ଥିତିରେ ସୁଧାର ଆସିଥିବାରୁ ବିକ୍ଷୋଭକାରୀମାନେ ସେମାନଙ୍କ ଆନ୍ଦୋଳନକୁ ପୁଣି ଥରେ ଆହୁରି ଜୋରଦାର କରିବାକୁ ଚାହୁଁଛନ୍ତି। ଅନ୍ୟପଟେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ନୂତନ ଚାଷୀ ନିୟମ ବିରୁଦ୍ଧରେ ସ୍ୱର ଉତ୍ତୋଳନ କରିଛନ୍ତି ଏବଂ କୃଷକଙ୍କ ବିରୋଧକୁ ସମର୍ଥନ କରିଛନ୍ତି | କେବଳ ଏତିକି ନୁହେଁ ବରଂ ବିରୋଧୀ କୃଷକଙ୍କ ସହ ଏକତା ପ୍ରଦର୍ଶନ କରିବାକୁ ତାଙ୍କ ଦଳର ଅନେକ ନେତା ଦିଲ୍ଲୀ ସୀମା ପରିଦର୍ଶନ କରିଥିଲେ। ତେଣୁ ଆଜି ଭାରତ କିସାନ ୟୁନିଅନର ନେତା ରାକେଶ ଟିକାଇଟ ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କୁ ଭେଟି ପୁଣି ଠାରେ ଆନ୍ଦୋଳନକୁ ଜୋରଦାର କରିବା ପାଇଁ ମମତା ବାନାର୍ଜୀଙ୍କୁ ସାକ୍ଷାତ କରିବେ ବୋଲି ସୂଚନା ମିଳିଛି ।

The post ନୂତନ ଚାଷୀ ଆଇନ ବିରୁଦ୍ଧରେ ଆନ୍ଦୋଳନକୁ ଜୋରଦାର କରିବା ପାଇଁ ଆଜି ମମତାଙ୍କୁ ଭେଟିବେ ରାକେଶ ଟିକାଇଟ୍ appeared first on Satya Patha.

Read Moreଜାତୀୟ, ରାଜନୀତି, farmer protest, Mamata Banerjee, rakesh tikaitSatya Patha

Leave a Reply

Your email address will not be published. Required fields are marked *