ଆମେ ବିଜେପି ଟିକା ବିରୋଧରେ ଥିଲୁ, କିନ୍ତୁ ଭାରତ ସରକାରଙ୍କ ଟିକା ନେବୁ : ଅଖିଳେଶ ଯାଦବ

(ସତ୍ୟପାଠ ବ୍ୟୁରୋ) ଭୁବନେଶ୍ୱର : ଜାନୁଆରୀ ମାସରେ ସମାଜବାଦୀ ପାର୍ଟି ସଭାପତି ଅଖିଳେଶ ଯାଦବ କହିଥିଲେ ଯେ ସେ ଭାରତୀୟ ଜନତା ପାର୍ଟିର କରୋନା ଟିକା ନେବେ ନାହିଁ। କିନ୍ତୁ ସେ ଆଜି କରୋନା ଟିକା ନେବେ ବୋଲି ଘୋଷଣା କରିଛନ୍ତି। ସେ ଟୁଇଟ୍‌ କରି କହିଛନ୍ତି ଯେ ଜନସାଧାରଣଙ୍କ କ୍ରୋଧକୁ ଦୃଷ୍ଟିରେ ରଖି ସରକାର କରୋନା ଟିକାକୁ ରାଜନୀତିକରଣ କରିବା ପରିବର୍ତ୍ତେ ମାଗଣା ଟିକାକରଣ କରିବେ ବୋଲି ଘୋଷଣା କରିଛନ୍ତି। ଆମେ ଭାଜପାର ଟିକା ବିରୋଧରେ ଥିଲୁ, କିନ୍ତୁ ‘ଭାରତ ସରକାରଙ୍କ ଟିକା ନେବୁ ଏବଂ ଟିକା ଅଭାବରୁ ନେଇ ନ ଥିବା ଲୋକଙ୍କୁ ଭାକ୍ସିନ୍ ନେବା ପାଇଁ ଅନୁରୋଧ ମଧ୍ୟ କରିବୁ ବୋଲି ସେ କହିଛନ୍ତି। ସୋମବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କୁ ସମ୍ବୋଧିତ କରି କହିଛନ୍ତି ଯେ ଏଣିକି ୧୮ ବର୍ଷରୁ ଊର୍ଦ୍ଧ୍ବ ସମସ୍ତ ବ୍ୟକ୍ତିଙ୍କୁ କେନ୍ଦ୍ର ସରକାର ମାଗଣାରେ ଟିକା ଦେବେ। ରାଜ୍ୟଗୁଡ଼ିକୁ ଏଥିପାଇଁ କେନ୍ଦ୍ର ସରକାରଙ୍କୁ ଅର୍ଥ ଦେବାକୁ ପଡିବ ନାହିଁ । ଏହାର ଗୋଟିଏ ଦିନ ପୂର୍ବରୁ ତାଙ୍କ ପିତା ତଥା ସମାଜବାଦୀ ପାର୍ଟିର ପ୍ରତିଷ୍ଠାତା ମୁଲାୟମ ସିଂ ଯାଦବ ଗୁରୁଗ୍ରାମର ଏକ ଡାକ୍ତରଖାନାରେ କରୋନା ଟିକାର ପ୍ରଥମ ଡୋଜ୍‌ ନେଇଥିଲେ।

ଅପରପକ୍ଷରେ ଉତ୍ତରପ୍ରଦେଶର ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ଅଖିଳେଶ ଯାଦବଙ୍କୁ ଟାର୍ଗେଟ କରି କହିଛନ୍ତି, ” ସମାଜବାଦୀ ପାର୍ଟି ପ୍ରତିଷ୍ଠାତା ତଥା ପୂର୍ବତନ ମୁଖ୍ୟମନ୍ତ୍ରୀ ମୁଲାୟମ ସିଂ ଯାଦବ ସ୍ୱଦେଶୀ ଟିକା ଗ୍ରହଣ କରିଥିବାରୁ ଆପଣଙ୍କୁ ଧନ୍ୟବାଦ। ଆପଣ ଏହି ଟିକା ନେଇଥିବାର ଏକ ପ୍ରମାଣ ହେଉଛି ଯେ ଏସପି ସମାଜବାଦୀ ପାର୍ଟି ସଭାପତି ଅଖିଳେଶ ଯାଦବ ଟିକା ବିଷୟରେ ଗୁଜବ ପ୍ରଚାର କରିଛନ୍ତି। ଏଥିପାଇଁ କ୍ଷମା ମାଗିବା ଉଚିତ ବୋଲି ବିଜେପି ନେତା ଟୁଇଟ୍ କରି କହିଛନ୍ତି। ଜାନୁଆରୀ ମାସରେ ଉତ୍ତର ପ୍ରଦେଶର ପୂର୍ବତନ ସିଏମ୍ ଅଖିଳେଶ ଯାଦବ ଘୋଷଣା କରିଥିଲେ ଯେ ସେ “ବିଜେପିର ଟିକା” ଗ୍ରହଣ କରିବେ ନାହିଁ। ଅଖିଳେଶ କହିଥିଲେ ଯେ, “ବୈଜ୍ଞାନିକଙ୍କ ଉପରେ ଆମର ସମ୍ପୂର୍ଣ୍ଣ ବିଶ୍ୱାସ ରହିଛି କିନ୍ତୁ ଭାଜପାର ଅବୈଜ୍ଞାନିକତା ଉପରେ ଆମର ଭରଷା ନାହିଁ। ମୁଁ କରୋନା ଟିକା ନେବି ନାହିଁ। ଏହି ଟିକା ତ ଭାଜପା ଲୋକଙ୍କର। ମୁଁ ଏହାକୁ କିପରି ବିଶ୍ୱାସ କରିପାରିବି? “

The post ଆମେ ବିଜେପି ଟିକା ବିରୋଧରେ ଥିଲୁ, କିନ୍ତୁ ଭାରତ ସରକାରଙ୍କ ଟିକା ନେବୁ : ଅଖିଳେଶ ଯାଦବ appeared first on Satya Patha.

Read Moreଜାତୀୟ, ରାଜନୀତି, akhilesh yadav, central govt, Covid vaccinesSatya Patha

Leave a Reply

Your email address will not be published. Required fields are marked *