ଏଲୋପାଥି ବିରୋଧରେ ରାମଦେବଙ୍କ ବୟାନ ବାକ୍‌ ସ୍ବାଧୀନତା ଆଇନ ଅଧିନରେ ଆସୁଛି : ଦିଲ୍ଲୀ ହାଇକୋର୍ଟ

(ସତ୍ଯପାଠ ବ୍ୟୁରୋ) ଭୁବନେଶ୍ୱର : ଏଲୋପାଥି ବିରୋଧରେ ବିବାଦୀୟ ବୟାନ ଦେଇ ଚର୍ଚ୍ଚା କୁ ଆସିଥିବ ବାବା ରାମ ଦେବଙ୍କ ଉପରେ କଟକଣା ଲାଗୁ କରାଯାଇ ପାରିବ ନାହିଁ ବୋଲି ଦିଲ୍ଲୀ ହାଇକୋର୍ଟ କହିଛନ୍ତି। ବାକ୍‌ ସ୍ବାଧୀନତା ଆଇନ ମୁତାବକ ସେ ତାଙ୍କର ମତବ୍ୟକ୍ତ କରିବାର ଅଧିକାର ରହିଛି ବୋଲି ଗୁରୁବାର ଦିନ ଦିଲ୍ଲୀ ହାଇକୋର୍ଟ ରାୟ ଦେଇଛନ୍ତି । ଏଲୋପାଥି ଓ ଆୟୁର୍ବେଦକୁ ନେଇ ଚାଲିଥିବା ବିବାଦ ଦିଲ୍ଲୀ ମେଡିକାଲ ଆସୋସିଏସନ (DMA) ଦିଲ୍ଲୀ ହାଇକୋର୍ଟରେ ଏ ସମ୍ପର୍କରେ ଏକ ପିଟିସନ ଦାଖଲ କରିଥିଲା । ଏହି ଆବେଦନରେ ଡିଏମଏ (DMA) ବାବା ରାମଦେବଙ୍କ ବିରୋଧରେ ମାମଲା ରୁଜୁ କରି କରୋନିଲ ଟାବଲେଟ ସମ୍ବନ୍ଧରେ ମିଥ୍ୟା ଦାବି ଓ ମିଥ୍ୟା ବୟାନ ଦେବା ବନ୍ଦ କରିବାକୁ ନିବେଦନ କରିଛନ୍ତି । ଏହି ମାମଲାର ଶୁଣାଣି କରି ବିଚାରପତି ସି. ହରିଶଙ୍କର ପ୍ରଶ୍ନ କରିଛନ୍ତି ଯେ, କ’ଣ ଏଲୋପାଥି ଏତେ ଦୁର୍ବଳ ବିଜ୍ଞାନ ଯେ କୌଣସି ବୟାନକୁ ନେଇ କୋର୍ଟରେ ଆବେଦନ କରାଯିବା ଜରୁରୀ । କୋର୍ଟ ଏହି ମାମଲାକୁ ଜୁଲାଇ ୧୩ ରେ ଶୁଣାଣି ପାଇଁ ତାଲିକାଭୁକ୍ତ କରିଛନ୍ତି। ଅଦାଲତ ଡିଏମଏକୁ କହିଛନ୍ତି, “ ତୁମେ ମହାମାରୀକୁ ପରାସ୍ତ କରିବାର ଉପାୟ ଖୋଜିବା ପାଇଁ ଆଗ୍ରହ ପ୍ରକାଶ କରିବା ଉଚିତ୍। ଏମିତି ଅଦାଲତଙ୍କ ଦ୍ଵାରସ୍ଥ ହୋଇ ମୋକଦ୍ଦମା ବାଜିରେ ସମୟ ନଷ୍ଟ କରିବା ଉଚିତ୍ ନୁହେଁ। ସେ ଆହୁରି ମଧ୍ୟ କହିଛନ୍ତି ଯେ, “ଆମ ପାଖରେ ଦେଶରେ ଧାରା 19 (1) (କ) ନାମକ କିଛି ଅଛି । ଯଦି ମୁଁ ନିର୍ଦ୍ଦିଷ୍ଟ ବିଜ୍ଞାନକୁ ନକଲି ବୋଲି ଅନୁଭବ କରେ ଏବଂ ପବ୍ଲିକ ଡୋମେନରେ ଏକ ବିବୃତ୍ତି ଦିଏ ଯେ ବିଜ୍ଞାନ ନକଲି, ତେବେ ଏହା ଉପରେ କ’ଣ କାର୍ଯ୍ୟନୁଷ୍ଠାନ ନିଆଯିବ ? କୋର୍ଟ କହିଛନ୍ତି ଯେ ରାମଦେବଙ୍କ ବୟାନ ବାକ୍‌ ସ୍ବାଧୀନତା ଏବଂ ଭାବନା ବ୍ୟକ୍ତ କରିବା ଆଇନ ଅନ୍ତର୍ଗତ ହୋଇଥିବାରୁ ତାଙ୍କ ଉପରେ କଟକଣା ଲାଗୁ କରାଯାଇ ପାରିବ ନାହିଁ। ବେଳେବେଳେ ଏଭଳି ମତ ଅତ୍ୟନ୍ତ ଆପତ୍ତିଜନକ ମନେହୁଏ | କିଛି ଲୋକ ଅନ୍ୟମାନଙ୍କ ତୁଳନାରେ ଅଧିକ ବ୍ୟଙ୍ଗାତ୍ମକ ହୋଇପାରନ୍ତି । କାହାର ମତ ଅଧିକ ସ୍ୱଭାବିକ ମଧ୍ୟ ହୋଇପାରେ । ଅଦାଲତ ଏହା ମଧ୍ୟ କହିଛନ୍ତି ଯେ ଯଦି ନିୟମର ଉଲ୍ଲଂଘନ ହେଉଛି, ତେବେ ଭୁଲ୍ କ’ଣ ତାହା ମନ୍ତ୍ରଣାଳୟର ନିଷ୍ପତ୍ତି ନେବ । ହାଇକୋର୍ଟ କହିଛନ୍ତି ଯେ ଅଧିକାଂଶ ଲୋକ ଏଲୋପାଥିକ ମେଡିସିନ ଦ୍ବାରା ଭଲ ହେଉଛନ୍ତି। କିନ୍ତୁ ଏପରି କିଛି ଲୋକ ଅଛନ୍ତି ଯେଉଁମାନଙ୍କ ଠାରେ ଏହି ଚିକିତ୍ସା କାମ କରିନାହିଁ। ଏଲୋପାଥିକ୍ ଚିକିତ୍ସା ଯୋଗୁଁ ଯଦି ଏତେ ସଂଖ୍ୟକ ଲୋକଙ୍କର ମୃତ୍ୟୁ ଘଟିଛି। ଏବଂ ସେ (ରାମଦେବ) ଏହାକୁ ସର୍ବସାଧାରଣ ପ୍ଲାଟଫର୍ମରେ ପ୍ରକାଶ କରିଛନ୍ତି ତେବେ ମୁଁ ଭାବୁଛି ଏହା ଧାରା 19 1 (କ) ର ପାରାମିଟର ମଧ୍ୟରେ ଆସିଛି ବୋଲି ଜଷ୍ଟିସ ସି. ହରିଶଙ୍କର କହିଛନ୍ତି। ତେବେ ଡିଏମଏର ପକ୍ଷ ରଖୁଥିବା ଓକିଲ କୋର୍ଟରେ ଯୁକ୍ତି ବାଢିଥିଲେ ଯେ ରାମଦେବଙ୍କ ବିବୃତ୍ତି ଡାକ୍ତରଙ୍କ ଉପରେ ପ୍ରଭାବ ପକାଉଛି ଏବଂ ସେ ମହାମାରୀ ସମୟରେ ଏଲୋପାଥି ଚିକିତ୍ସା କୁ ନକଲି ବୋଲି କହୁଛନ୍ତି, ଯାହା ଶେଷରେ ଦେଶର ସ୍ୱାସ୍ଥ୍ୟ ଉପରେ ପ୍ରଭାବ ପକାଇବ।

The post ଏଲୋପାଥି ବିରୋଧରେ ରାମଦେବଙ୍କ ବୟାନ ବାକ୍‌ ସ୍ବାଧୀନତା ଆଇନ ଅଧିନରେ ଆସୁଛି : ଦିଲ୍ଲୀ ହାଇକୋର୍ଟ appeared first on Satya Patha.

Read Moreବଡ ଖବରSatya Patha

Leave a Reply

Your email address will not be published. Required fields are marked *