ୟୃଟୁବ୍ ରୁ ମାସକୁ ୧.୫ଲକ୍ଷ ଟଙ୍କା ରୋଜଗାର କରୁଛନ୍ତି ଯାଜପୁର ର ମୋନାଲିସା

ଓଡ଼ିଶା ଯାଜପୁର ଜିଲ୍ଲାର ଜଣେ ସାଧାରଣ ଗୃହିଣୀ ନିଜ ଉଦ୍ୟମ ଏବଂ ଉତ୍ସାହ ବଳରେ ୟୁଟ୍ୟୁବ୍‌ ମାଧ୍ୟମରେ ଆଜି ସମଗ୍ର ବିଶ୍ବର ୭୬ କୋଟି ଦର୍ଶକଙ୍କ ପାଖରେ ପହଞ୍ଚିପାରିଛନ୍ତି।

ଏହି ମହିଳା ଜଣକ ହେଉଛନ୍ତି ଯାଜପୁର ଜିଲ୍ଲାର ମୋନାଲିସା ଭଦ୍ରା। ସେ ଏବେ ୟୁଟ୍ୟୁବରେ ଭିଡିଓ ଅପଲୋଡ୍ କରି ୧.୫ ଲକ୍ଷରୁ ଅଧିକ ରୋଜଗାର କରୁଛନ୍ତି।

ବେରୁଦା ପଞ୍ଚାୟତର ଜାହଲ ଗାଁର ମୋନାଲିସା ଘୋଡା ଚଢିବା ଠାରୁ ଆରମ୍ଭ କରି ଟ୍ରାକ୍ଟରରେ ଚାଷ କରିବା, ଟ୍ରକ୍ ଏବଂ ଭଲଭୋ ବସ୍ ଚଲାଇବା ପର୍ଯ୍ୟନ୍ତ ସମସ୍ତ ଭିଡିଓ ଅପଲୋଡ୍ କରୁଛନ୍ତି।

ସୋସିଆଲ୍‌ ମିଡିଆରେ ଏବେ ସେନ୍ସେସନ ପାଲଟିଛନ୍ତି ମୋନାଲିସା। ତାଙ୍କୁ ସମଗ୍ର ବିଶ୍ୱରେ ୭୬ କୋଟିରୁ ଅଧିକ ଦର୍ଶକ ଦେଖିପାରୁଛନ୍ତି ଏବଂ ତାଙ୍କ ୟୁଟ୍ୟୁବ୍ ଚ୍ୟାନେଲରେ ତାଙ୍କ ସବ୍‌ସ୍କ୍ରାଇବରଙ୍କ ସଂଖ୍ୟା ୨୨.୪୦ ଲକ୍ଷ।

ୟୁଟ୍ୟୁବ୍‌ରେ ଏକ ନୂଆ ପରିଚୟ ସୃଷ୍ଟି କରିବାର ସମସ୍ତ ଶ୍ରେୟ ସେ ତାଙ୍କ ସ୍ୱାମୀ ବଦ୍ରିନାରାୟଣଙ୍କୁ ଦେଇଛନ୍ତି।

୨୦୧୬ ରେ ଏକ ୟୁଟ୍ୟୁବ୍ ଚ୍ୟାନେଲ୍ ଆରମ୍ଭ କରିଥିବା ବଦ୍ରିନାରାୟଣ ପ୍ରଥମେ ତାଙ୍କ ପତ୍ନୀ ଏକ ମାଙ୍କଡକୁ ଖାଇବାକୁ ଦେଉଥିବା କିଛି ଫୁଟେଜ୍ ଅପଲୋଡ୍ କରିଥିଲେ। ଏହି ଭିଡିଓଟି ବେଶ୍‌ ଭାଇରାଲ ହୋଇଥିଲା।

ସେବେଠାରୁ ମୋନାଲିସା ଭିଡିଓ ଅପଲୋଡ୍ କରିବା ଆରମ୍ଭ କରିଥିଲେ। ଏଥିପାଇଁ ସେ ଅନେକ ପ୍ରଶଂସା ମଧ୍ୟ ସାଉଁଟିଲେଣି।

Ama TvRead More

Leave a Reply

Your email address will not be published. Required fields are marked *