କେନ୍ଦ୍ରକୁ ସୁପ୍ରିମକୋର୍ଟଙ୍କ କଡା ଚେତାବନୀ : ଲୋକଙ୍କ ସମ୍ବିଧାନିକ ଅଧିକାର କ୍ଷୁଣ୍ଣ ହେଉଥିବାବେଳେ ନ୍ୟାୟପାଳିକା ଚୁପ ବସିବ ନାହିଁ”

(ସତ୍ୟପାଠ ବ୍ୟୁରୋ) ଭୁବନେଶ୍ୱର : କାର୍ଯ୍ୟପାଳିକାର ନୀତି ଭରତର ନାଗରିକଙ୍କର ଅଧିକାର ଉଲ୍ଲଂଘନ କଲେ ନ୍ୟାୟପାଳିକା ମୁକ ଦର୍ଶକ ହୋଇ ଦେଖି ପାରିବ ନାହିଁ। ଭାରତର ସମ୍ବିଧାନରେ…
The post କେନ୍ଦ୍ରକୁ ସୁପ୍ରିମକୋର୍ଟଙ୍କ କଡା ଚେତାବନୀ : ଲୋକଙ୍କ ସମ୍ବିଧାନିକ ଅଧିକାର କ୍ଷୁଣ୍ଣ ହେଉଥିବାବେଳେ ନ୍ୟାୟପାଳିକା ଚୁପ ବସିବ ନାହିଁ” appeared first on Satya Patha.

(ସତ୍ୟପାଠ ବ୍ୟୁରୋ) ଭୁବନେଶ୍ୱର : କାର୍ଯ୍ୟପାଳିକାର ନୀତି ଭରତର ନାଗରିକଙ୍କର ଅଧିକାର ଉଲ୍ଲଂଘନ କଲେ ନ୍ୟାୟପାଳିକା ମୁକ ଦର୍ଶକ ହୋଇ ଦେଖି ପାରିବ ନାହିଁ। ଭାରତର ସମ୍ବିଧାନରେ ଅଦାଲତ ନୀରବଦ୍ରଷ୍ଟା ହୋଇ ବସିବାର ଉଲ୍ଲେଖ ନାହିଁ। ଏଭଳି କଟୁ ଶବ୍ଦରେ ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ଭର୍ତ୍ସନା କରିଛନ୍ତି । କୋଭିଡ୍ ପରିଚାଳନାରେ କେନ୍ଦ୍ର ସରକାରଙ୍କ ନିଷ୍ପତ୍ତି ଉପରେ ସୁପ୍ରିମକୋର୍ଟଙ୍କ ହସ୍ତକ୍ଷେପ କେନ୍ଦ୍ର ବିରୋଧ କରିଥିବା ବେଳେ ଏଭଳି କଡା ଟିପ୍ପଣୀ କରି କେନ୍ଦ୍ରକୁ ସର୍ବୋଚ୍ଚ ଅଦାଲତ ଜବାବ ଦେଇଛନ୍ତି। ଅଦାଲତ କହିଛନ୍ତି ଯେ ନ୍ୟାୟାଳୟ ସେ ପର୍ଯ୍ୟନ୍ତ ତାଙ୍କର ଅଧିକାର ପ୍ରୟୋଗ କରିବା ଜାରି ରଖିବେ ଯେ ପର୍ଯ୍ୟନ୍ତ “ ସରକାରଙ୍କ ନୀତି ଉଚିତ୍ ମାନଦଣ୍ଡ ସହ ଅନୁରୂପ ନହୋଇଛି। ଏବଂ ଯେପର୍ଯ୍ୟନ୍ତ ସରକାରଙ୍କ ନିତୀ ସମସ୍ତ ନାଗରିକଙ୍କ ବଞ୍ଚିବାର ଅଧିକାରକୁ ସୁନିଶ୍ଚିତ ନକରିଛି। କୋର୍ଟ ଆହୁରି ମଧ୍ୟ କହିଛନ୍ତି ଯେ, କାର୍ଯ୍ୟପାଳିକା ଦ୍ବାରା ପ୍ରସ୍ତୁତ ହେଉଥିବା ନୀତି ଗୁଡିକର ନ୍ୟାୟିକ ସମୀକ୍ଷା ଏବଂ ସାମ୍ବିଧାନିକ ଯଥାର୍ଥତା ଯାଞ୍ଚ କରିବା ଜରୁରୀ । ଯାହା କୋର୍ଟ ବର୍ତ୍ତମାନ କରୁଛନ୍ତି। ନ୍ୟାୟାଳୟ କହିଛନ୍ତି ଯେ, ” ନ୍ୟାୟପାଳିକା ପାଖରେ କାର୍ଯ୍ୟପାଳିକା ଭୂମିକା ତୁଲାଇବାର ଅଧିକାର କିମ୍ବା ଦକ୍ଷତା ନାହିଁ। କାର୍ଯ୍ୟପାଳିକା ପାଖରେ ନୀତି ନିର୍ଦ୍ଧାରଣ କରିବାର କ୍ଷମତା ରହିଛି। ତେଣୁ ସେ ଗଣତନ୍ତ୍ର ନିକଟରେ ଉତ୍ତରଦାୟୀ ଅଟେ । ତଥାପି ବି କାର୍ଯ୍ୟପାଳିକାର ନୀତିଗୁଡିକର ନ୍ୟାୟିକ ସମୀକ୍ଷା କରିବା ପାଇଁ ଅଦାଲତ ନିକଟରେ ଅଧିକାରର ଅଭାବ ନାହିଁ ବୋଲି ସୁପ୍ରିମକୋର୍ଟ କହିଛନ୍ତି। ଜନସ୍ୱାସ୍ଥ୍ୟ ଭଳି ସଙ୍କଟର ପରିଚାଳନାରେ କାର୍ଯ୍ୟନିର୍ବାହୀ ଅଧିକାରୀଙ୍କ ଅଭିଜ୍ଞତାକୁ କୋର୍ଟ ବାରମ୍ବାର ଦୋହରାଇଛନ୍ତି, କିନ୍ତୁ ମହାମାରୀ ସହ ଲଢିବା ପାଇଁ ଆବଶ୍ୟକ ହେଉଥିବା “ବ୍ୟାପକ ଅକ୍ଷାଂଶ” ନାମରେ କାର୍ଯ୍ୟନିର୍ବାହୀକୁ ଚେତାବନୀ ମଧ୍ୟ ଦେଇଛନ୍ତି। ଅନ୍ୟ ପକ୍ଷରେ ସରକାର କହିଛନ୍ତି ଯେ କରୋନା ଏକ ବିଶ୍ୱବ୍ୟାପୀ ମହାମାରୀ, ତେଣୁ ଏହି ସମୟରେ ଦେଶର ପ୍ରତିକ୍ରିୟା ଏବଂ ରଣନୀତିକାର ବିଶେଷଜ୍ଞ, ଡାକ୍ତର ଏବଂ ବୈଜ୍ଞାନିକ ମତ ଦ୍ବାରା ଏହାର ପରିଚାଳନା କରାଯାଉଛି । ତେବେ ନ୍ୟାୟପାଳିକାର ଅତ୍ୟଧିକ ହସ୍ତକ୍ଷେପ ଅପ୍ରତ୍ୟାଶିତ ପରିଣାମର କାରଣ ହୋଇପାରେ ବୋଲି ସରକାର କହିଛନ୍ତି। କୋଭିଡ -୧୯ ପରିଚାଳନା ଉପରେ ଶୀର୍ଷ ଅଦାଲତର ସୋ ମୋଟ ମାମଲାରେ ଦାଖଲ ହୋଇଥିବା ୨୧୮ ପୃଷ୍ଠାର ଆଫିଡେଭିଟରେ କେନ୍ଦ୍ର ସରକାର କହିଛନ୍ତି ଯେ ଏହି ନୀତି ଭାରତର ସମ୍ବିଧାନର ଧାରା ୧୪ ଏବଂ ଧାରା ୨୧ ର ଆଦେଶ ଅନୁଯାୟୀ ଏବଂ ବିଶେଷଜ୍ଞ, ରାଜ୍ୟ ସରକାର ଏବଂ ଟିକା ଉତ୍ପାଦନକାରୀଙ୍କ ସହ ଆଲୋଚନା ପରେ ଏହାର ପ୍ରସ୍ତୁତି କରାଯାଇଛି। ଏଥିରେ କୋର୍ଟର କୌଣସି ହସ୍ତକ୍ଷେପ ଆବଶ୍ୟକତା ନାହିଁ ବୋଲି କେନ୍ଦ୍ର ସରକାର କହିଛନ୍ତି। ମହାମାରୀର ସହିତ ମୁକାବିଲା କରିବା ସମୟରେ, କାର୍ଯ୍ୟପାଳିକା ଜନସାଧାରଣଙ୍କ ସ୍ୱାର୍ଥରେ କାମ କରୁଛି ବୋଲି କହିଛନ୍ତି।

The post କେନ୍ଦ୍ରକୁ ସୁପ୍ରିମକୋର୍ଟଙ୍କ କଡା ଚେତାବନୀ : ଲୋକଙ୍କ ସମ୍ବିଧାନିକ ଅଧିକାର କ୍ଷୁଣ୍ଣ ହେଉଥିବାବେଳେ ନ୍ୟାୟପାଳିକା ଚୁପ ବସିବ ନାହିଁ” appeared first on Satya Patha.

Read MoreSatya Patha

Leave a Reply

Your email address will not be published. Required fields are marked *