ଏଣିକି ଟୀକା ନେଇନଥିବା ଲୋକଙ୍କୁ ମିଳିବନି ମଦ: ସ୍ଥାନୀୟ ପ୍ରଶାସନ ଲାଗୁ କଲା ନୂଆ ନିୟମ

ଲକ୍ଷ୍ନୌ: ଦେଶରେ ଟୀକାର ଅଭାବ ଯୋଗୁଁ ଟୀକାକରଣରେ ସମସ୍ୟା ଉପୁଜୁଛି। କେନ୍ଦ୍ର ସରକାର ଉପରେ ଏନେଇ ଅନେକ ରାଜ୍ୟ ସରକାର ଚାପ ପକାଉଛନ୍ତି। ଅନେକ ରାଜ୍ୟ ସରକାର ଟୀକାର ଅଭାବ ଯୋଗୁଁ ଗ୍ଲୋବାଲ ଟେଣ୍ଡର ପାଇଁ ପ୍ରୟାସ ଜାରି ରଖିଛନ୍ତି। ଏପରିସ୍ଥଳେ କିଛି ରାଜ୍ୟରେ ଟୀକା ଦେବା ପାଇଁ ଲୋକଙ୍କ ମଧ୍ୟରେ ଭୟର ବାତାରଣ ସୃଷ୍ଟି ହୋଇଛି। ଲୋକଙ୍କୁ ଟୀକା ଦେବା ପାଇଁ ପ୍ରଶାସନକୁ ବଡ ପରିଶ୍ରମ କରିବାକୁ ପଡୁଛି। ଲୋକଙ୍କୁ ସଚେତନ କରିବା ପରେ ମଧ୍ୟ ଲୋକେ ଟୀକା ନେବା ପାଇଁ ଆଗ୍ରହ ପ୍ରକାଶ କରୁନାହାନ୍ତି। ଅନେକ ସ୍ଥାନରେ ସ୍ୱାସ୍ଥ୍ୟକର୍ମୀଙ୍କୁ ଦେଖି ଲୋକେ ଦୌଡି ପଳାଇଯାଉଥିବା ମଧ୍ୟ ଦେଖିବାକୁ ମିଳୁଛି।

ସେଥିପାଇଁ ଲୋକଙ୍କୁ ଟୀକା ଦେବା ପାଇଁ ପ୍ରଶାସନ ପକ୍ଷରୁ କେଉଁଠି ୫ ଲକ୍ଷ ଟଙ୍କାର ବୀମା ଯୋଗାଇ ଦିଆଯାଉଛି ତ କେଉଁଠି କଟକଣା ମଧ୍ୟ ଲଗାଯାଉଛି। ଉତ୍ତରପ୍ରଦେଶର ଅନେକ ଅଞ୍ଚଳରେ ଏଭଳି ପରିସ୍ଥିତି ଦେଖିବାକୁ ମିଳୁଛି। ଏହି ରାଜ୍ୟର ଗ୍ରାମାଞ୍ଚଳର ଲୋକେ ଟୀକା ଦେବା ପାଇଁ ଆଗ୍ରହ ପ୍ରକାଶ କରୁନାହାନ୍ତି।

ତେବେ ଏହାକୁ ଦେଖି ପ୍ରଶାସନ ଏବେ ଏକ ନୂଆ ନିୟମ ଜାରି କରିଛି। ଟୀକା ନେଇନଥିବା ଲୋକଙ୍କୁ ଏବେ ମଦ ଦୋକାନରେ ମଦ ମିଳିବ ନାହିଁ। ମଦ ଦୋକାନରେ ଏନେଇ ଏକ ନୋଟିସ ମଧ୍ୟ ଲଗାଯାଇଛି। ଉତ୍ତରପ୍ରଦେଶ ଇଟାୱା ଅଞ୍ଚଳରେ ପ୍ରଶାସନ ପକ୍ଷରୁ ଏଭଳି କଟକଣା ଜାରି କରାଯାଇଛି।

Read More

Leave a Reply

Your email address will not be published. Required fields are marked *