ଜାଣିଲେ ଆଶ୍ଚର୍ଯ୍ୟ ହେବେ ଯେ, ବାହା ବେଦୀ ପାଖରେ କନ୍ୟା କଲା ବ୍ଲାଙ୍କ୍ ଫାଇରିଂ

ଲକ୍ଷ୍ମୌ, ବାହା ବେଦି ପାଖରେ ବ୍ଲାଙ୍କ ଫାଇରିଂ। ସେ ପୁଣି କେହି ନୁହେଁ ନିଜ ବାହାଘରରେ ନିଜେ କନ୍ୟା କରିଛି ଏହି ଫାଇରିଂ। ବେଦୀ ଉପରକୁ ଯିବା ପୂର୍ବରୁ କନ୍ୟା କରିଛି ଏହି ଫାଇରିଂ। ଆଶ୍ଚର୍ଯ୍ୟର କଥା ସେହି ପାଖରେ ସମସ୍ତେ ଥିଲେ ମଧ୍ୟ କେହି ପାଟି ଫିଟାଇଲେ ନାହିଁ। ଏପରିକି ନିଜେ ବର ମଧ୍ୟ ନିଜ ଭାବି ସ୍ତ୍ରୀଙ୍କର ଏପରି କାରନାମା ଦେଖି ଖୁସି ହେଉଥିଲେ, ହେଲେ ତାଗିଦ କଲେ ନାହିଁ।

ଏହିପରି ଘଟଣା ଉତ୍ତର ପ୍ରଦେଶର ପ୍ରତାପଗଡ ଜିଲ୍ଲାର ଜେଠୱାଡା ଅଞ୍ଚଳରେ ଘଟିଛି । ଗତକାଲି ଏହି ବିବାହ ଅନୁଷ୍ଠିତ ହୋଇଥିଲା। ଏଥିରେ କନ୍ୟା ବେଦୀକୁ ଆସିବା ବେଳେ ଷ୍ଟେଜ ପାଖରେ ଛିଡାହୋଇ ଲାଇସ୍ସେନସ ପ୍ରାପ୍ତ ପିସ୍ତଲଟି ପାଖ ଲୋକଠାରୁ ଆଣିଲେ। ତାପରେ ହାତ ଉପରକୁ କରି ଫାଇରିଂ କଲେ।

ଫାଇରିଂ କରିବା ପରେ କନ୍ୟା ଷ୍ଟେଜ ଉପରକୁ ଚଢିଥିଲେ। ଷ୍ଟେଜ ଉପରେ ଥିବା ବର କନ୍ୟାର ହାତ ଧରି ଉପରକୁ ଉଠିବା ପାଇଁ ସାହାଯ୍ୟ କରିଥିଲେ। ତେବେ ସେଠାରେ ଉପସ୍ଥିତ ଥିବା କୌଣସି ବରଯାତ୍ରୀ ବା ଅତିଥୀ ଏହାକୁ ବିରୋଧ କରି ନ ଥିଲେ। ଏପରିକି ଅନେକ ଖୁସିରେ ତାଳି ମାରୁଥିବାର ମଧ୍ୟ ପରିଲକ୍ଷିତ ହୋଇଛି।

ଏହି ଭିଡିଓ ଗତକାଲିଠାରୁ ସାମାଜିକ ଗଣମାଧ୍ୟମରେ ଭାଇରାଲ ହେବା ପରେ ଘଟଣାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି। ଫଟଣା ସଂପର୍କରେ ପୋଲିସ ତରଫରୁ ଛାନଭିନ ଆରମ୍ଭ ହୋଇଯାଇଛି। ଘଟଣା ସଂପର୍କରେ ଅବଗତ ହେବା ପରେ ପୋଲିସ କନ୍ୟା ନାମରେ ଏକ ମାମଲା ଋଜୁ କରି ତଦନ୍ତ ଚଳାଇଛି।

ତେବେ ଏହି ଭିଡିଓକୁ ଦେଖିଲେ ଜଣାପଡିଛି ଯେ, ଉତ୍ତରପ୍ରଦେଶ ସରକାର ଯେଉଁ କଟକଣା ଜାରୀ କରିଛନ୍ତି ତାହାକୁ ଫୁ କରି ଉଡାଇ ଦିଆଯାଇଛି। ସେଠାରେ ଅତିଥୀଙ୍କ ସଂଖ୍ୟା ବେଶ ଅଧିକ ଥିଲା। କାହା ମୁହଁରେ ମାସ୍କ ମଧ୍ୟ ନ ଥିଲା। ଫଳରେ ପୋଲିସ କିପରି ଏହି ବାହାଘରକୁ ରୋକିପାରିଲା ନାହିଁ ସେ ନେଇ ଉଠିଛ ପ୍ରଶ୍ନ।

ପୂର୍ବରୁ ବର କିମ୍ବା ବରର ପିତା ଏପରି ବାହାଘର ସମୟରେ ଫାଇରିଂ କରିବାର ଘଟଣା ଦେଖିବାକୁ ମିଳିଛି। ହେଲେ ଖୋଦ କନ୍ୟା ବ୍ଲାଙ୍କ ଫାଇରିଂ କରିବା ଘଟଣା ନୂଆ। ଏହି ବାହାଘରକୁ ନେଇ ବର୍ତ୍ତମାନ ଚାରିଆଡେ ଚର୍ଚ୍ଚା ଚାଲିଛି।

Read More

Leave a Reply

Your email address will not be published. Required fields are marked *